Pune Crime News: गेल्या काही दिवसांमध्ये महिलांवर होणाऱ्या अत्याचारांमध्ये मोठ्या वाढ होताना दिसत आहे. अशातच आता महाराष्ट्राला हादरवणारी अत्याचाराची घटना अकोल्यातून समोर आली आहे. अंध पतीच्या समोरच अंध पत्नीवर अत्याचार केल्याचा धक्कादायक प्रकार समोर आला आहे.

अमरावतीहून मुलीच्या भेटीसाठी दिग्रसला जात असताना मदतीच्या कारणाने नराधमाने हे पाशवी कृत्य केलं आहे. विरोध करणाऱ्या पतीला गळा दाबून बाजूला बसवत तीन वेळा महिलेवर अत्याचार केल्याचा प्रकार समोर आला आहे.

अकोला शहरातील बस स्थानकावर अंध महिला आपल्या पतीसह रात्री बसमधून खाली उतरली. रात्रीची वेळ असल्यामुळे त्यांना वाडेगावला जाण्यासाठी जुन्या बस स्थानकावर जण्यासाठीची बस अर्धा तास उशिरा असल्यामुळे आणि त्यातच पाऊस सुरू असल्याने त्यांना तिथे जाणं शक्य नव्हतं. त्यामुळे त्यांनी रेल्वे स्थानकावर रात्रीचा मुक्काम करायचं ठरवलं. (Latest Marathi News)

यावेळी पत्ता विचारला असता त्या व्यक्तीनेच दोघांनाही अकोट फैल परिसरामध्ये नेलं. दोघंही अंध असल्याच्या संधीचा फायदा घेत आरोपीने महिलेवर अत्याचार केल्याचा आरोप आहे.

तुझा आणि तुझ्या पतीचा चाकू भोसकून खून करेन, अशी धमकी देत तब्बल तीन वेळा तिच्यावर जबरी अत्याचार केल्याची माहिती आहे. या प्रकरणी सिव्हिल लाइन पोलिस ठाण्यात काल रात्री उशिरा गुन्हा दाखल करण्यात आला आहे. सध्या अत्याचार करणारा व्यक्ती अटकेत आहे.