हिंगोली : जिल्ह्यात रविवारी ता.नऊ भल्या पहाटे सुरू झालेला पाऊस(heavy rain) ते साडेसहा वाजेपर्यंत सुरू होता हा पाऊस हिंगोली, सेनगाव व औंढा तालुक्यातील काही भागात झाला आहे. या पावसामुळे टाळकी ज्वारी, गहू, हरभरा, कापूस,तुर पिकांचे नुकसान झाले आहे.जिल्ह्यात मागच्या दोन दिवसापासून वातावरणात बदल(climate change) झाला आहे. ढगाळ वातावरण तसेच गार हवा देखील होती. रविवारी भल्यापहाटे एक वाजता हिंगोली शहरासह तालुक्यातील खांबाळा, भांडेगाव, साटंबा, कारवाडी, पिंपरखेड, बासंबा, सिरसम, फाळेगाव, रोहोली, सवड आदी ठिकाणी पाऊस झाला. सेनगाव तालुक्यातील आजेगाव परिसरात तर औंढा शहरासह तालुक्यातील गोजेगाव माथा, धार,रुपुर,सावळी पाडीँ येळी, केळी, हिवरखेडा, अनखळी पोटा आदी गावात पाऊस झाला.

दरम्यान, औंढा तालुक्यात पावसासह वार्यामुळे टाळकी ज्वारी, गहु हरबरा, तुर, कापुस आदी पीकांचे मोठ्या प्रमाणात नुकसान झाले असुन शेतात कापुन टाकलेली तुर तसेच वेचणीस आलेला कापुस टाळकी ज्वारी वाऱ्यामुळे आडवी झाली आहे.सकाळी साडेसहा वाजता पाऊस संपल्यावर ऊन पडले होते. हवामान खात्याने शनिवारी व रविवारी हिंगोली जिल्ह्यात पावसाचा अंदाज व्यक्त केला होता.