उदगीर - कलामहर्षी बाबूराव पेंटर कला मेळा दालनातील चित्रकला शिल्प प्रदर्शनीचे उद्‍घाटन वि. स. खांडेकर यांचे नातू डॉ. अतुल कापडी यांच्या हस्ते करण्यात आले. चित्रकार रामकृष्ण कांबळे यांनी उद्घाटक डॉ. कापडी यांचे चित्र काढून तर व्यंगचित्रकार प्रभाकर वाइरकर यांनी व्यंगचित्र काढून उपस्थितांना मार्गदर्शन केले. व्यंगचित्रकार वैजनाथ दुलंगे, प्रदीप मापसेकर, प्रभाकर वाइरकर, चित्रकार तथा संगीतकार संजय अष्टपुत्रे, चित्रकार दया अष्टपुत्रे, चित्रकार रामकृष्ण कांबळे, घनश्याम देशमुख, शिल्पकार प्रमोद कांबळे आदींच्या चित्रांचे प्रदर्शन मांडण्यात आले आहे. डॉ. राजू नारखेडे, डॉ. बंकट कांबळे, दीपक हलकंचे, चंद्रदीप नादरगे, प्रताप कोरे, विशाल रंगवाळ यांनी परिश्रम घेतले.