बीड - जिल्ह्यात बुधवारपर्यंत (ता. एक) एकही कोरोना रुग्ण आढळला नाही. दरम्यान, आतापर्यंत जिल्ह्यात ३१ जणांच्या स्वॅबची तपासणी केली असून, यातील २४ नमुने निगेटिव्ह आढळले आहेत. बुधवारी नऊ नमुन्यांचा अहवालही निगेटिव्ह आला असून सात नमुन्यांचा अहवाल बाकी आहे.
कोरोना विषाणूवरील उपचारासाठी बीडच्या जिल्हा रुग्णालय व अंबाजोगाईचे स्वामी रामानंद तीर्थ वैद्यकीय महाविद्यालय अशा दोन ठिकाणी विलगीकरण कक्षांची उभारणी पूर्ण झाली आहे. आतापर्यंत जिल्हा रुग्णालयात विलगीकरण कक्षात दाखल करून घेतलेल्या २० जणांच्या तपासणीचे अहवाल निगेटिव्ह आले आहेत. तर अंबाजोगाईच्या स्वाराती वैद्यकीय महाविद्यालयात दाखल केलेल्या ११ पैकी चार नमुन्यांचे अहवाल प्राप्त झाले असून, तेही निगेटिव्ह आहेत. येथील सात नमुन्यांचा अहवाल येणे बाकी आहे.
परदेशांतून आलेल्यांमुळे वाढली संख्या
दरम्यान, सोमवारी उशिरापर्यंत जिल्ह्यात १६ जणांच्या स्वॅबची तपासणी करण्यात येऊन सर्वांचेच नमुने निगेटिव्ह आले; परंतु आता परदेशातून आलेल्यांमुळे तपासणीचा आकडा ३१ पर्यंत वाढला आहे. यात आष्टीच्या नऊ जणांचा समावेश आहे. मंगळवार-बुधवारी दाखल करून घेऊन तपासणीसाठी स्वॅब पाठविलेल्यांचा आकडा १५ होता. यापैकी नऊ जणांचा तपासणीचा अहवाल निगेटिव्ह आढळला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.