ज्ञानेश्वर बोरूडे

लोहगाव : छञपती संभाजीनगर जिल्ह्यातील जायकवाडी प्रकल्पाने विस्थापित झालेल्या पैठण तालुक्यातील ढाकेफळ येथील धरणग्रस्त जिल्हा परिषद उच्च प्राथमिक शाळेत शिक्षण घेणाऱ्या विद्यार्थ्यांना सामाजिक दायित्वाअर्तगत, एका नामांकित बियाणे कंपनीने आधुनिक पद्धतीचे डिजीटल स्मार्ट इंटर अॅक्टीव्ह बोर्ड, डिजीटल साऊंड सिस्टीम, आदी शैक्षणिक साहित्य भेट दिल्याने धरणग्रस्तांचे पाल्यांना आधूनिक तंत्रज्ञानावर आधारित शिक्षण सुविधा उपलब्ध झाली आहे.

लोहगाव (ता.पैठण) परिसरातील मुलांनी वाडगाव, येथे बी. बियाणे, क्षेञात कार्यरत असलेल्या सिझेंटा सिडस कंपनीने आपल्या सामाजिक दायित्वातर्गत आतापर्यंत खामजळगाव,मुलानी वाडगाव,आदी गावातील जिल्हा परिषद प्राथमिक शाळेला पायाभूत सुविधा साहित्याची मदतीचा हातभार लावला असताना पाच दिवसांपूर्वी जायकवाडी प्रकल्पाने पुर्नवसित झालेले ढाकेफळ जिल्हा परिषद उच्च प्राथमिक शाळेत शिक्षण घेणाऱ्या विद्यार्थ्यांना आधूनिक पध्दतीच्या शैक्षणिक साहित्यद्वारे शिक्षण घेण्याची प्रणाली उपलब्ध करून दिली आहे.

यात डिजीटल स्मार्ट इंटर अॅक्टीव्ह बोर्ड, डिजीटल साऊंड सिस्टीम, आणि दोन हजार लिटर पाणी क्षमता साठवण प्लास्टिक टाकी,आदी सा‍हित्याचे पैठण बाजार समिती माजी सभापती रवींद्र शिसोदे, सरपंच भिमराव मोरे, बप्पासाहेब शेळके, ग्रामपंचायत सदस्य काकासाहेब रणशूर,हारिभाऊ कोल्हे, शालेय व्यवस्थापन समिती अध्यक्ष बिलाल शेख, उपाध्यक्ष अंकुश फुलकर,सिझेंटाचे व्यवस्थापक प्रवीण इंगोले, अभय दुधेकर, रमेश आव्हाड, अशोक पाबळे अशोक पाबळे, यांच्या प्रमुख उपस्थितीत सर्व डिजीटल साहित्याचे लोकार्पण झाले. यावेळी मुख्याध्यापिका सिंधू घुले, शिक्षक संभाजी शिंदे,कैलास ढोले,नबाब सय्यद, शिक्षिका श्रीमती पाटील, कुलकर्णी,नेहा शिसोदे,पालक विद्यार्थी उपस्थित होते.

प्रतिक्रिया

आमच्या शाळेतील विद्यार्थ्यांना सामाजिक दायित्वाच्या माध्यमातून सिझेंटा प्रायव्हेट लिमिटेड कंपनीने डिजीटल शिक्षण साहित्य दिल्यामुळे विद्यार्थी हरकुन गेले आहे.व त्याद्वारे ज्ञान घेत आहेत.

मुख्याध्यापिका : सिंधू घुले जिल्हा परिषद उच्च प्राथमिक शाळा ढाकेफळ (ता.पैठण)