जळकोट (जि.लातूर) : तालूक्यातील सुल्लाळी येथील तक्रारदार यांचे टँक्टर वाळूसाठी चालू करण्यास सांगून टँक्टरवर कार्यवाही न करण्यासाठी दर महा अठरा हजाराची लाच मागितल्या प्रकरणी तलाठी व त्याच्या साथीदारावर लाचलूचपत प्रतिबंधक विभागाने कारवाई केली आहे. दोघांवर जळकोट पोलीस ठाण्यात शुक्रवारी रात्री अकरा वाजता गुन्हा दाखल करण्यात आला. 

लाखोंचे पॅकेज नाकारुन अंकिताने देशसेवेसाठी ‘यूपीएससी’त मिळविले यश  

सुल्लाळी (ता.जळकोट) येथील टँक्टर मालकाकडून घोणसी-माळहिप्परगा-अतनुर सज्जाचे तलाठी ज्ञानोबा हणमंतराव करमले (३३ ) व त्यांचा साथीदार हरीराम अभिमन्यू जानतीने (५५) या दोन्हीही आरोपीने सुल्लाळी (ता.जळकोट) येथील तक्रारदार यांचे टँक्टर वाळूसाठी चालू करण्यास सांगून टँक्टरवर कार्यवाही न करण्यासाठी पंचवीस हजार रुपयाची मागणी केली होती. तडजोडी नंतर अठरा हजार रुपये प्रतिमहीना घेण्याचे मान्य केले होते. तर सदर लाचेची रक्कम तलाठी यांनी साथीदारांकडे देण्याचे सांगितले. 

पाच वेळा अपयश आलं; तरीही पठ्ठ्याने जिद्दीने कलेक्टरच स्वप्न साकारलं  

याबाबत तक्रारदाराने लातूर येथील लाचलुचपत प्रतिबंधक विभागाशी संपर्क साधला. तक्रारीची पडताळणी झाल्यानंतर लाचलूचपत पथकाने घोणसी (ता.जळकोट) येथे सापळा लावला. यावेळी तक्रारदार अठरा हजारांची लाच देण्यासाठी गेले. सदर रक्कम घेण्याचे जाणूनबुजून टाळले म्हणून लातूरच्या लाचलुचपत अधिकाऱ्यांच्या पथकाने तलाठी आणि साथीदारावर (ता.सात) रोजी रात्री अकरा वाजता जळकोट पोलिस ठाण्यात कलम सात लाचलूचपत प्रतिबंधक कायदा अधिनियम-१९८८ अन्वये गुन्हा दाखल केला.

राष्ट्रीयकृत बँका निवृत्ती वेतनधारकांना देणार घरपोच सेवा   

यांनी केली कारवाई 

सदरची कार्यवाही एसीबीचे उपअधिक्षक माणिक केंद्रे, पोलिस निरीक्षक दराडे, बाबासाहेब काकडे, पोलिस कॉन्सटेबल संजय पस्तापुरे, लक्ष्मीकांत देशमुख, पोलिस नाईक चंद्रकांत डांगे, मोहन सुरवशे, संतोष गिरी, शिवशंकर कच्छवे, अशिष श्रीसागर, अमोल शिंदे, संदीप जाधव, दिपक कलवले, राजू महाजन यांच्या पथकाने कारवाई केली. 

संपादन-प्रताप अवचार