अंकूशनगर (जि.जालना) : अंबड तालुक्यातील साष्टपिंपळगाव येथे ५६ दिवसांपासून मराठा आरक्षणासाठी राज्यव्यापी ठिय्या आंदोलन सुरू आहे. येथील आंदोलनकर्त्या महिलांनी  मंगळवारी (ता.१६) पोलिसांच्या काठ्या हिसकावत पोलिसांना घेरावा घातला. दरम्यान मराठा समाजाच्या वतीने मंगळवारी साष्टपिंपळगाव ते बारामती आरक्षण आक्रोश विनंती रॅली काढण्यात येणार होती. मात्र बारामतीला निघण्यापूर्वीच येथील आंदोलकांना पोलिसांनी ताब्यात घेतले  आहे.

औरंगाबादकरांची चिंता वाढली; उच्चांकी कोरोनाबाधित रुग्णांची नोंद, पाच जणांचा मृत्यू

मराठा आरक्षण मागणीसाठी मराठा आरक्षणासाठी ता.२० जानेवारीपासून साष्टपिंपळगावमधील गावकऱ्यांनी आंदोलन सुरू केले होते. मराठा समाजाच्या राज्यस्तरीय बैठकीमध्ये ठरल्याप्रमाणे या ठिकाणी साखळी उपोषण सुरू आहे. येथील आंदोलनाला सरकार गांभीर्याने घेत नसल्याने या आंदोलनानी मंगळवारी साष्टपिंपळगाव ते बारामती आरक्षण आक्रोश विनंती रॅली काढण्यात येणार होती. मात्र, मंगळवारी सकाळी साष्टपिंपळगाव येथील मुख्य आंदोलकांना तहसीलदारांच्या आदेशानंतर पोलिसांनी ताब्यात घेतले.

यात मनोज जरांगे, संजय कटारे, शहादेव औटे, संपत शिंदे, दादासाहेब राक्षे, सुनिल औटे, दादासाहेब बोचरे यांचा समावेश आहे.मराठा तरूणांचा आरक्षण विषय निकाली काढण्यासाठी शरद पवार यांनी पुढाकार घ्यावा. यासाठी साष्टपिंपळगाव ते बारामती अशी ‘आरक्षण आक्रोश विनंती रॅली’ काढण्यात येणार होती. दरम्यान आंदोलकांना पोलिसांनी ताब्यात घेतल्यानंतर येथील महिला आंदोलकांनी चक्क पोलिसांच्या काठ्या हिसकावत पोलिसांना घेरावा घातला. त्यामुळे काही काळ तणावाचे वातावरण निर्माण झाले होते. पोलिसांकडून आंदोलकाना ताब्यात घेऊन आंदोलन दडपण्याचा प्रयत्न केला जात आहे, असा आरोपीही येथील महिला आंदोलकांनी केला आहे.

संपादन - गणेश पिटेकर