अंकुशनगर : भरधाव वेगाने जाणाऱ्या कारने दोन ऊस टायर गाड्याला मागून धडक दिल्याने दोन ऊसतोड कामगारासह तीन बैल जखमी झाल्याची घटना शुक्रवारी सकाळी 6 च्या दरम्यान वडीगोद्री -जालना मार्गावरील धाकलगावाजवळ घडली.

कारखान्याहुन ऊस टायर गाड्या खाली होऊन शहापूर कडे ऊस तोडणीसाठी जात असतांना दोन ऊस टायरगाडीला मागून येणाऱ्या कार क्रमांक एम एच 21 सी 3385 ने मागून एक नव्हे दोन टायर गाड्याला धडक दिली धडक एवढी जोरात होती की एक टायर गाडी रोडच्या खाली जावून पलटी झाली तर दुसऱ्या टायर गाडीचे आख तुटून टायर निघाले या धडकेत तीन बैल जखमी झाले असून ऊस तोड कामगार ज्ञानेश्वर धोंडिबा शिंदे वय 40 रा.शहापूर ता. अंबड,रामेश्वर कल्याण कापसे वय 42 रा.दाढेगाव ता. अंबड हे दोघे जखमी झाले तर कार ने धडक देऊन कार पलटी झाली मात्र कार मधील कुणालाही जीवित हानी झाली नाही. या अपघातामुळे काही काळ महामार्गांवर गर्दी झाली होती. या अपघातामुळे ऊस तोड कामगारांचे मोठे नुकसान झाले आहे.