a0ecec268714771796edd6298e2813be 
मराठवाडा

जालना जिल्हाधिकाऱ्यांचा खासगी हॉस्पिटलला दणका, एक लाख ९३ हजार जमा करण्याचे आदेश

उमेश वाघमारे

जालना : खासगी रुग्णालयात कोविड रूग्णांवर उपचार करताना शासनाने दर ठरवून दिले आहेत. मात्र, जालना शहरातील असलेल्या विवेकानंद हॉस्पीटलने शासनाने ठरवून दिलेल्या दरांपेक्षा अधिकची रक्कम रुग्णांकडून घेतल्याचे तपासणी दरम्यान आढळुन आले आहे. त्यामुळे रुग्णांकडून अधिक बिल घेतलेले एक लाख ९३ हजार ९८६ रुपये मुख्यमंत्री सहायता निधीमध्ये जमा करण्याचे आदेश जिल्हाधिकारी रवींद्र बिनवडे यांनी विवेकानंद हॉस्पीटल प्रशासनाला सोमवारी (ता.सात) दिले आहेत.


जालना जिल्ह्यातील विविध रुग्णालयांमध्ये नागरिक मोठ्या प्रमाणात विविध उपचारांसाठी जातात. कोरोना या महामारीच्या काळामध्ये कोविड हॉस्पीटलमध्ये सुद्धा रुग्ण मोठ्या प्रमाणात उपचार घेत आहेत. महात्मा ज्योतिबा फुले जनआरोग्य योजना व प्रधानमंत्री जनआरोग्य योजनेअंतर्गत रुग्णांना योग्य उपचार व योजनेच्या लाभाची अंमलबजावणी व्यवस्थीत होत आहे कि नाही याची तपासणी करण्यासाठी जिल्ह्यातील ११ रुग्णांलयामध्ये जिल्हाधिकारी रवींद्र बिनवडे यांनी तपासणी पथकाची स्थापना केलेली आहे.

दरम्यान शहरातील विवेकानंद हॉस्पीटलमध्ये रुग्णांकडून बिलाची अतिरिक्त रक्कम घेतली जात असल्याची तक्रारी प्राप्त झाल्या होत्या. त्यामुळे तपासणी पथकाकडून या रूग्णालयांच्या बिलांची तपासणी केली असता रुग्णालयाने शासनाने ठरवून दिलेल्या दरापेक्षा अतिरिक्त बिलाची रक्कम आकारल्याचे स्पष्ट झाले. त्यामुळे जिल्हाधिकारी श्री.बिनवडे यांनी तातडीने आदेश पारित करत अतिरिक्त बिलाची एक लाख ९३ हजार ९८६ रुपये मुख्यमंत्री सहायता निधीमध्ये जमा करण्याचे निर्देश दिले आहेत. तसेच आदेशाचे पालन न केल्यास आपत्ती व्यवस्थापन अधिनियम २००५ चे कलम ५१ आणि भांदवि १८६० चे कलम १८८ नुसार कारवाई करण्याचा इशाराही जिल्हाधिकारी श्री.बिनवडे यांनी दिला आहे.

(संपादन - गणेश पिटेकर)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Power of Simple Living and Discipline : साधं राहणीमान अन् बचतीच्या जोरावर ४५व्या वर्षी निवृत्तीपर्यंत जमवले ४.७ कोटी; जाणून घ्या कसे?

Latest Marathi News Updates : दक्षिण मुंबईतील गणेशोत्सव मंडळांची बैठक सुरु, अडचणींवर व नियोजनाबाबत होणार चर्चा

Video: प्रेमाची तालिबानी शिक्षा! काकाच्या मुलीवर प्रेम जडलं; रागात गावकऱ्यांनी प्रेमीयुगुलांना नांगराला जुंपलं, व्हिडिओ व्हायरल

८ चेंडूंत ६ विकेट्स.. पाच त्रिफळाचीत ! Kishor Kumar Sadhak ने इंग्लंडमध्ये सलग दोन षटकांत घेतल्या दोन Hat-Tricks

Parenting tips: पेराल ते उगवेल, आई वडिलांकडून अशा प्रकारे सवयी शिकतात मुलं

SCROLL FOR NEXT