भोकरदन (जालना): कोरोनाच्या पार्श्वभूमीवर सर्वांना बाहेर फिरताना तोंडाला मास्क लावणे अनिवार्य करण्यात आले आहे. मात्र, याकडे अनेकजण कानाडोळा करीत आहे. अशाविरोधात पालिकेकडून दंडात्मक कारवाई करण्यात येत आहे. ही कारवाई करीत असतांना पालिका कर्मचाऱ्यांना अनेकदा हुज्जतींचा सामना करावा लागत असल्याचे दिसत आहे.
जिल्ह्यात एकीकडे कोरोना रुग्णांची संख्या झपाट्याने वाढत असल्याचे चित्र असताना दुसरीकडे शहरात विनामास्क फिरणाऱ्यांची संख्याही अधिक आहे. त्यामुळे जिल्हाधिकाऱ्यांच्या आदेशाने सार्वजनिक ठिकाणी विनामास्क फिरणाऱ्यांवर कारवाई करण्यात येत आहे. शहरातही छत्रपती शिवाजी महाराज चौकात पालिका पथकाकडून कारवाई करण्यात येत आहे. परंतू, सदरील कारवाई करीत असताना अनेकदा पालिका कर्मचारी व नागरिकांचे खटके उडत असल्याचे दिसून येते.
असाच काहीसा प्रकार बुधवारी (ता.तीन) सकाळी 11 वाजेच्या सुमारास घडला. छत्रपती शिवाजी चौकात पालिका पथकातील कर्मचारी विना मास्क फिरणाऱ्यांवर दंडात्मक कारवाई करीत असताना एका दुचाकी चालकाने दंड देण्यावरून हुज्जत सुरू केली. शिवीगाळ करीत लोटलाट करून दंड देण्यास नकार दिला. यामुळे येथे काहीकाळ मोठी गर्दी जमा झाली होती. या प्रकारानंतर पालिकेच्या कर्मचाऱ्यांनी संबंधित व्यक्तिविरोधात कारवाई करण्यासाठी पोलिस ठाणे गाठले. परंतू या प्रकरणी रात्री उशिरापर्यंत कुठलाही गुन्हा दाखल करण्यात आला नव्हता.
पोलिस बंदोबस्तात मोहीम राबविण्याची गरज-
दरम्यान शहरात राबविण्यात येणाऱ्या विनामास्क मोहिमेत अनेकजण पालिका कर्मचाऱ्यांना जुमानत नसल्याने या मोहिमेत पोलिसांचा सहभाग असणे गरजेचे आहे. जेणेकरून नियम तोडणाऱ्यांवर जरब बसेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.