जिंतूर ( जिल्हा परभणी ) : शहरातील पोलिस ठाण्यासह उपविभागीय पोलिस अधीकारी कार्यालयात कोरोनाचा शिरकाव झाला असून मंगळवारी (ता. ३०) उपविभागातील एका वरिष्ठ पोलिस अधिकाऱ्यास कोरोनाची लागण झाल्याची माहिती स्थानिक आरोग्य विभागाकडून देण्यात आली. मागील वर्षभरात जिंतूर पोलिस ठाणे व उपविभागीय कार्यालयातील चार अधिकारी आणि सहा कर्मचारी कोरोना बाधित आढळून आले आहेत.
कोवीड १९ विषाणूच्या दुसऱ्या लाटेत जिंतूर तालुक्यात कोरोना बधितांच्या संख्येत झपाट्याने वाढ होत असून 'फ्रंट लाईन कोरोना योद्धा' म्हणून ओळखल्या जाणारे पोलिस अधिकारी व कर्मचारीही कोरोनाच्या विळख्यात सापडत आहे. मागील वर्षभरापासून जिंतूर पोलिस ठाण्यातील चार वरीष्ठ पोलिस अधिकारी, दोन महिला व दोन पुरुष कर्मचारी आणि उपविभागीय पोलिस अधीकारी कार्यालयातील दोन पुरुष कर्मचारी कोरोना बाधित आढळून आले होते. तर कोरोनाने तालुक्यातील एका पोलिसाचा नुकताच बळी घेतल्याची दुर्दैवी घटना नुकतीच घडली.
हेही वाचा - परभणी : शेततळ्यातील पाण्यात बुडून तरुणाचा मृत्यू; जांब (रेंगे) येथील घटना, गावावर शोककळा
मंगळवारी (ता. ३०) पोलिस ठाण्यात घेण्यात आलेल्या रॅपिड अँटीजंन चाचणी शिबिरात उपविभागतील ३२ वर्षीय वरिष्ठ पोलीस अधिकारी आणि गृहरक्षक दलातील एक कर्मचारी यांचे अहवाल पॉझिटिव्ह आले आहेत. शिबिरात दुपारपर्यंत ठाण्यात एकूण ६३ पोलिस अधिकारी आणि कर्मचाऱ्यांची रॅपिड अँटीजंन व आरटीपीसीआरद्वारे चाचण्या घेण्यात आल्या अशी माहिती आरोग्य विभागाच्या वतीने देण्यात आली.
राजाभाऊ नगरकर
संपादन- प्रल्हाद कांबळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.