लातूर: पुणे- सोलापूर महामार्गावरील डाळज क्रमांक दोन (ता. इंदापूर) येथे रविवारी (ता. सात) रात्री झालेल्या भीषण अपघातात येथील माने कुटुंबातील तिघांचा मृत्यू झाला. त्यांच्यावर सोमवारी येथे अंत्यसंस्कार करण्यात आले. अपघातात दोघे जखमी असून त्यांच्यावर उपचार सुरु आहेत.

येथील ‘माने टायर्स’चे मालक अरुण बाबूराव माने हे कुटुंबीयांसह कारने (एचएच २४, एटी २००४) रविवारी पुण्याहून लातूरकडे येत होते. पुणे- सोलापूर महामार्गावरील भिगवणजवळ डाळज क्रमांक दोन येथे उसाने भरलेला ट्रॅक्टर (एमएच ४५ एफ ७७७९) जात होता. या ट्रॅक्टरच्या ट्रॉलीला कारची धडक बसली.

बीडचे नगराध्यक्ष भारतभूषण क्षीरसागरांवर अपात्रतेची कारवाई करण्याचे...

यात अरुण माने (वय ४५), त्यांच्या पत्नी गीता माने (३६), लहान मुलगा मुकुंदराज माने यांचा मृत्यू झाला. त्यांची मुलगी साक्षी माने (१८) व चालक महादेव नेटके (५६) हे गंभीर जखमी झाले. साक्षी माने हिच्यावर पुण्यातील खासगी रुग्णालयात उपचार सुरु आहेत.

मनात आलं आणि सायकल यात्रा करत तिरुपती गाठलं...!

कुटुंबीयांवर शोककळा
अपघात इतका भीषण होता की, कारमधील मृत व जखमींना क्रेन व ट्रॅक्टरच्या साहाय्याने बाहेर काढावे लागले. या अपघाताने माने कुटुंबीयांवर शोककळा पसरली. सकाळपासूनच त्यांच्या येथील घरी नातेवाईक, नागरिकांची गर्दी झाली होती.

(edited by- pramod sarawale)