लातूर: शासनाच्या निर्देशानुसार महानगरपालिकेच्या वतीने वय वर्ष ४५ पुढील सर्व नागरिकांना कोरोना लसीकरणास प्रारंभ करण्यात आला. महापौर विक्रांत गोजमगुंडे व उपमहापौर चंद्रकांत बिराजदार यांच्या उपस्थितीत या मोहिमेची औषधी भवन येथील केंद्रावर सुरवात करण्यात आली. पहिल्या दिवशी शहरातील शेकडो नागरिकांनी लस घेतली. यावेळी रामदास भोसले, ईश्वर बाहेती, लातूर केमिस्ट अॅण्ड ड्रगिस्ट असोसिशनचे पदाधिकारी तसेच महापालिकेचे आरोग्य विभागाचे कर्मचारी उपस्थित होते. 

शहरातील ४५ वर्ष व अधिक वयोगटातील नागरिकांसाठी लसीकरण नोंदणी सुरू झाली आहे. ही नोंदणी करत या वयोगटात असणाऱ्या नागरिकांनी लसीकरण करून घ्यावे. ४५ वर्ष पुढील सर्व नागरिक या दोन्ही वयोगटात समाविष्ट असणाऱ्या नागरिकांनी आपल्या मोबाईलमध्ये आरोग्यसेतू ॲप अथवा को-विन ॲप डाउनलोड करावे. cowin.gov.in या वेबसाईटवरही नोंदणी करता येऊ शकते. 

असं कुठं असतंय व्हय...ओळख झाल्यानंतर म्हणाला आता लग्नच कर...! 

तेथे मिळणाऱ्या सूचनांनुसार नागरिकांनी आपली नोंदणी करून घ्यावी. संबंधित ॲपमध्ये नागरिकांनी नजीकचे लसीकरण केंद्र आणि तारखेची निवड करता येणार आहे. हे शक्य नसेल तर लसीकरण केंद्रावर जाऊनही नोंदणी करता येऊ शकते. महापालिकेच्या लसीकरण केंद्रावर मोफत लसीकरण करण्यात येणार आहे.

औरंगाबाद जिल्ह्यात शेतात पाणी देत असताना शेतकऱ्यावर बिबट्याचा हल्ला, लोकांमध्ये...

लातूर मनपाच्या वतीने पटेल चौक येथील नागरी आरोग्य केंद्र, राजीव नगर येथील नागरी आरोग्य केंद्र, लोकनेते विलासराव देशमुख मार्ग येथील औषधी भवन, विलासराव देशमुख शासकीय वैद्यकीय विज्ञान संस्थेत, जिल्हा शासकीय रुग्णालय परिसर येथे मोफत लसीकरण सुविधा उपलब्ध करून देण्यात आली आहे; तसेच खासगी रुग्णालयात लसीकरणासाठी सशुल्क उपलब्ध राहणार आहे. सर्व लसीकरण केंद्रावर थेट जाऊन केवळ आधार कार्ड दाखवून लस घेता येणार आहे. तरी नागरिकांनी लस घ्यावी, असे आवाहन श्री. गोजमगुंडे यांनी केले आहे.