Latur Lok Sabha 2024: लातूर लोकसभा मतदारसंघ हा २००९ मध्ये अनुसूचित जातीसाठी राखीव ठेवण्यात आला. तत्कालीन मुख्यमंत्री विलासराव देशमुख यांनी २००९ मध्ये कोल्हापूरचे जयवंतराव आवळे यांना उमेदवारी देऊन निवडून आणले. त्यानंतरच्या दोन्ही निवडणुकीत भाजपचे वर्चस्व राहिले. त्यामुळे भाजपकडून विजयाची हॅट्‌ट्रिक साधण्याचा प्रयत्न असेल. या वेळी डॉ. शिवाजी काळगे यांच्या माध्यमातून नवखा उमेदवार काँग्रेसने पुढे आणला आहे. या मतदारसंघात सातत्याने काँग्रेस विरुद्ध भाजप अशी थेट लढत झाली आहे. यावेळेसदेखील अशीच दुरंगी लढत होणार आहे.

२०१९ चे चित्र

सुधाकर शृंगारे (भाजप) विजयी मते : ६,६१,४९५

मच्छिंद्र कामत (काँग्रेस) मते : ३,७२,३८४

राम गारकर (वंचित बहुजन आघाडी) मते : १,१२,२५५

नोटा मते : ६,५६४

वर्चस्व

२००४ : भाजप

२००९ : काँग्रेस

२०१४ : भाजप

२०१९ : भाजप

सद्य:स्थिती

काँग्रेसचा बालेकिल्ला, पण आता भाजपचे वर्चस्व

भाजपकडून विद्यमान खासदार सुधाकर शृंगारे यांच्यावर पुन्हा विश्वास

भाजपकडून विजयाची हॅट्‌ट्रिक साधण्याचा प्रयत्न

काँग्रेसकडून चाचपणी, डॉ. शिवाजी काळगे यांच्या नावावर शिक्कामोर्तब शक्य

काँग्रेसच्या उमेदवाराची माजीमंत्री आमदार अमित देशमुख यांच्यावरच भिस्त

हे मुद्दे प्रभावी ठरणार

मराठवाडा रेल्वे बोगी कारखाना रशियन कंपनीला विकला गेल्याचा आरोप

मतदारसंघाचा रखडलेला औद्योगिक विकास

उजनी धरणातून पाणी पुरवठ्याचा प्रश्न

जिल्ह्यातून जाणारा शक्तिपीठ महामार्ग

निवडणुकीत मराठा आरक्षणाचा मुद्दाही प्रभावी ठरणार