औराद शहाजानी - संयुक्त कुटुंब संस्कृती लुप्त होत असताना विद्यार्थ्यांना आजी-आजोबांचे मार्गदर्शन मिळावे तसेच संस्कृतीचा ठेवा जतन व्हावा म्हणून औराद शहाजानी येथील युनिव्हर्सल पब्लिक स्कूलमध्ये आजी-आजोबा दिन साजरा करण्यात आला. यावेळी नातवंडांनी आपल्या आजी-आजोबांचे पाय धुवून औक्षण केले. तसेच गप्पागोष्टी करीत आजी आजोबा दिनाचा आनंद घेतला.

यावेळी तंटामुक्ती अध्यक्ष बाबूराव भंडारे, शेतकरी शिवाजीराव अंचोळे, प्रा. भगवानराव पेठकर, डॉ. विजयकुमार राठी आदी उपस्थित होते. कार्यक्रमाची सुरवात ‘दादा दादी कम टू द स्कुल’ हे स्वागत गीत श्रद्धा मगनुरे, रणवीर बिरादार, आयुषी जाधव, पूजा भंडारे, पार्थ पौल यांनी सादर केले.

त्यानंतर भक्ती वागदूरे, प्रणाली पाटील, सफा शेख, दिशा थेटे, प्रीती जमादार, आराध्या काणेकर, वैभवी सगरे, रेणुका सौदागर, यश पहेलवान, आयान मुला, समर्थ शेळके, समर्थ कोडे, ज्ञानेश्वर शिंदे, प्रीतम पवार, समर्थ गायकवाड, कृष्णा चौधरी, कृष्णा सूर्यवंशी, आदित्य हाडोळे, रुद्र पाटील आदींनी तुझमे रब दिखता है व एलकेजी व युकेजीच्या अर्चना पिचारे, वेदिका मुळे, अनुष्का आमले, प्रियांश उगले, तेजस उगले, समर्थ फुलारी, श्रीनिधी जोशी, अपूर्वा काळे, श्री डिघे, प्रथमेश बिरादार, प्रगती कांबळे, गोदा काबरा, आलीना बडूरे, प्रिन्स सूर्यवंशी, अमृता सूर्यवंशी, श्रीधर पाटील यांनी दादाजी की छडी हू मैं या गाण्यावर नृत्य सादर केले.

नंतर आजी आजोबा यांचे त्याच्या नातवंडांकडून पाय धुवून, ओवाळणी करून व स्वतः बनवलेल्या भेटवस्तू त्यांना दिल्या. त्यानंतर तन्वी पाटे, सृष्टी मुगळे, अनुष्का लातूरे, तन्न्या पांचाळ, आरोही पाटील, रितेश लाड, आदित्य दापके, मधुरा आकडे आदींनी आजी आजोबांचे महत्त्व याबद्दल आपले विचार व्यक्त केले.सूत्रसंचालन सरिता पाटील, अमर मुल्ला, अंजली स्वामी, रिहान मुल्ला यांनी तर आभार प्रदर्शन श्रुती कुलकर्णी यांनी केले हे कार्यक्रम व्यवस्थित होण्यासाठी सर्व शिक्षकांनी परिश्रम घेतले.