औरंगाबाद - ‘कुली नंबर वन’, ‘बिवी नंबर वन’ असे चित्रपट आले, आता मोदींचा चित्रपट येतोय ‘फेकू नंबर वन.’ जहीर खान दीडशेच्या वेगाने गोलंदाजी करतो, मोदी त्यापेक्षा जास्त स्पीडने फेकतात, अशी टीका काँग्रेसचे पंजाबमधील मंत्री नवज्योतसिंग सिद्धू यांनी केली. मोदींनी ३७० आश्वासने दिली, त्यापैकी किती पूर्ण केली, हे त्यांनी माझ्यासमोर येऊन सांगावे, मी हरलो तर राजकारणातून संन्यास घेईन, असे आव्हान सिद्धू यांनी दिले.
काँग्रेस- राष्ट्रवादी काँग्रेस महाआघाडीचे औरंगाबादचे उमेदवार सुभाष झांबड यांच्या प्रचारार्थ किराडपुरा भागात शनिवारी सिद्धू यांची सभा झाली. या वेळी त्यांनी ‘भाई और बहनों...’ असे म्हणत मोदींची खिल्ली उडवली. मोदी यांनी ३७० आश्वासने दिली होती. तुम्हाला दोन कोटी नोकऱ्या मिळाल्या का? गंगा साफ झाली का? १५ लाख रुपये तुमच्या खात्यात आले का? काळे धन आले का? असे प्रश्न करीत त्यांनी तुम्हाला काय मिळाले ‘बाबाजी का ठुल्लू’, अशी टीका केली. ‘बात करोडो की, दुकान पकोडे की और संगत भगौडो की’ असे पंतप्रधानांचे काम असून, नोटाबंदी, जीएसटीमुळे देशात हाहाकार माजला आहे. त्यामुळे एकजुटीने मतदान करा, असे आवाहन सिद्धू यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.