मुंबईः छत्रपती संभाजी नगर (औरंगाबाद) लोकसभा मतदारसंघासाठी शिवसेनेकडून मंत्री संदीपान भुमरे यांना उमेदवारी घोषित करण्यात आलेली आहे. ठाकरे गटाकडून चंद्रकांत खैरे हे रिंगणात आहेत.
छत्रपती संभाजी नगरसाठी शिवसेनेकडून कोण उमेदवार असेल, याचे तर्क लढवले जात होते. ठाकरे गटाने चंद्रकांत खैरे यांना उमेदवारी घोषित केल्याने त्यांना लढत देणारा उमेदवार शिवसेनेने जाहीर केला आहे.
राज्याचे कॅबिनेट मंत्री संदीपान भुमरे हे शिवसेनेकडून लोकसभेच्या आखाड्यात असतील. संभाजी नगर हा शिवसेनेचा पारंपारिक मतदारसंघ आहे. परंतु २०१९ मध्ये चंद्रकांत खैरे यांचा पराभव झाला होता. तिथे एमआयएमचे इम्तियाज जलील याचा विजय झाला होता.
यावेळी ठाकरे गटाकडून विधान परिषदेचे विरोधी पक्षनेते अंबादास दानवे इच्छूक होते. त्यांनी जाहीरपणे तशी मागणीदेखील केली होती. दुसरीकडे खैरेही इच्छूक होते. पक्षाने खैरेंना मैदानात उतरवलं. तरीही दानवेंनी नाराजी व्यक्त केली नाही. त्यानंतर खैरेंनी ही शेवटची निवडणूक असल्याचं जाहीर केलं.
शिवसेनेने शनिवारी मंत्री संदीपान भूमरे यांना निवडणुकीच्या रिंगणात उतरवलं आहे. त्यामुळे शिवसेना, ठाकरे गट, एमआयएम अशी तिरंगी लढत छत्रपती संभाजी नगरमध्ये बघायला मिळेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.