लातूर : कोरोना विषाणूचा प्रादुर्भाव रोखण्यासाठी राज्य सरकारने राज्यातील सर्व मॉल, मल्टिप्लेक्स बंद ठेवण्याच्या सूचना देऊनही, शहरात मात्र ती सुरू असल्याचे पाहायला मिळत आहे. त्यांच्यावर कुठलीही कारवाई झाली नाही. याबाबत मॉल, मल्टिप्लेक्स चालक-मालकांबरोबरच प्रशासनाच्या पातळीवरही गांभीर्याचा अभाव असल्याचे दिसून येत आहे. देशात कोरोनाचा फैलाव वाढत आहे. त्यातही केरळपाठोपाठ महाराष्ट्रात सर्वाधिक रुग्ण पाहायला मिळत आहेत.
सध्या कोरोनाबाधितांची महाराष्ट्रातील संख्या ३२ वर पोचली आहे. हा फैलाव वाढू नये म्हणून सरकारने शाळा-महाविद्यालयांना ३१ मार्चपर्यंत सुटी जाहीर केली आहे. याबरोबरच खासगी शिकवण्या, मॉल, मल्टिप्लेक्स, चित्रपटगृह अशी गर्दीची ठिकाणेही बंद ठेवण्याचा आदेश दिला आहे. याबाबतचा अध्यादेश शनिवारी (ता.१४) सायंकाळी काढण्यात आला.
सरकारने आदेश देऊन शहरातील बिग बझार, डी-मार्ट, रिलायन्स मार्ट, रिलायन्स डिजिटल, विश्व, ए-मार्ट, शॉपर्स स्टॉप, ब्रॅण्ड फॅक्टरी हे मॉल रविवारी (ता. १५) दिवसभर सुरू होते. आमच्यापर्यंत सरकारचे आदेश पोचले नाहीत, अशी उत्तरे काही मॉलमधील व्यवस्थापकांनी ‘सकाळ’ला दिली. मॉलबरोबरच बहुतांश मल्टिप्लेक्स, एकपडदा चित्रपटगृहेही रविवारी सुरू असल्याचे पाहायला मिळाले. अनेक ठिकाणी प्रेक्षकांची गर्दीही दिसून आली. मॉलमध्येही ग्राहकांची चांगलीच गर्दी दिसत होती. तरीसुद्धा मॉल किंवा मल्टिप्लेक्स चालकांवर कसलीही कारवाई अद्याप करण्यात आली नाही. यात मॉल आणि मल्टिप्लेक्स चालकांचा बेजबाबदार दिसून येत आहे. त्यांच्यावर आता कारवाई केली जाणार का, याकडे अनेकांचे लक्ष लागले आहे. काही मॉलमध्ये कर्मचारी मास्क वापरताना दिसत होते. पण, ग्राहकांची फारशी काळजी घेतली जात नव्हती, असेही चित्र पाहायला मिळाले.
हेही वाचा ः चिकनमुळे कोरोना होतो सिद्ध करा अन् ५१ हजार मिळवा, व्यावसायिकांचे आव्हान
विद्यार्थी-पालकांत संभ्रम
राज्यातील शाळा-महाविद्यालयांना ३१ मार्चपर्यंत सुटी राहील, असे मुख्यमंत्री उद्धव ठाकरे यांनी जाहीर केले आहे. तर राज्यातील खासगी शिकवण्या ३१ मार्चपर्यंत बंद राहतील, असे उपमुख्यमंत्री अजित पवार यांनी शनिवारी (ता.१४) जाहीर केले; पण याबाबतच्या सूचना बहुतांश शाळा-महाविद्यालय आणि खासगी शिकवण्याच्या माध्यमातून विद्यार्थी-पालकांपर्यंत पोचल्याच नाहीत. त्यामुळे शहरातील विद्यार्थी-पालकांमध्ये संभ्रमाचे वातावरण पाहायला मिळत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.