मराठा आरक्षणासाठी लढा देणारे मनोज जरांगे यांची तब्येत अचानक बिघडली असून त्यांना सलाईन लावण्यात आले आहे. "मला समाजाकडून काहीच नको. सरकार माझ्या मागे लागलं आहे. विरोधकही मागे लागलेत. पण जीव गेला तरी चालेल मागे हटणार नाही. मराठ्यांची शान कमी होऊ देणार नाही," असं त्यांनी सांगितलं आहे.
महाराष्ट्रात सध्या मराठा आरक्षण हा मुद्दा चांगलाच तापला आहे. मराठा समाजाला ओबीसी कोट्यातून आरक्षणाचा लाभ मिळावा, या मागणीसाठी मनोज जरांगे पाटील हे लढा देत आहेत. काही दिवसांपूर्वी त्यांनी तब्येतीच्या कारणामुळे उपोषण स्थगित केले होते. छत्रपती संभाजीनगरमध्ये त्यांच्यावर उपचार सुरु होते.
मनोज जरांगे म्हणाले, "नेत्यांना बाप मानायचे बंद करा, जातील बाप माना. मी खंबीर आहे, मागे हटणार नाही. तुमचे पोरं मोठे करण्यासाठी मी मरायला देखील तयार आहे. मी कुठेही फिरतोय. आज पुण्याला जाणार आहे. माझ्यावर हल्ला झाला, रक्ताच्या थारोळ्यात पडलो तरी माझ्या तोंडात मराठा आरक्षण हा शब्द असणार आहे."
"समाजाने माझ्यावर विश्वास टाकला आहे. मी विश्वासघात होऊ देणार नाही. समाजावर आलेलं संकट माझ्यावरील संकट आहे," असे मनोज जरांगे म्हणाले. मराठा आरक्षणाच्या मागणीसाठी लढा अविरत सुरु राहील असं देखील त्यांनी सांगितले.
2013 मध्ये नाट्य निर्मात्याची फसवणूक केल्याप्रकरणी मनोज जरांगे पाटील यांच्यावर गुन्हा दाखल आहे. वारंवार समज पाठवूनसुद्धा सुनावणीला हजर न झाल्यामुळे जरांगे पाटील यांच्याविरोधात कोर्टाने अटक वॉरंट जारी केलं होतं.
"वॉरंट इशू करू नये, दोन तारखेला हजर होऊ," असं मनोज जरांगे यांच्या वकीलांकडून सांगण्यात आलं. त्यामुळे उद्या मनोज जरांगे कोर्टात हजर राहणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.