Maharashtra Latest Update: शासनाने आरक्षणाबाबत चर्चेसाठी अंतरवाली सराटीत वेळोवेळी शिष्टमंडळ पाठविले. या शिष्टमंडळाने काय केले, कोणता निर्णय घेतला, असा सवाल मनोज जरांगे पाटील यांनी आज केला. मला राजकारण करायचे नाही, असे सांगत आरक्षण द्या, सगेसोयरेंबाबच्या निर्णयाची अंमलबजावणी करा, आंदोलकांवरील गुन्हे मागे घ्या या मागण्यांचा त्यांनी पुनरुच्चार केला.
जरांगे यांनी मराठा आरक्षणासाठी अंतरवाली सराटी येथे शनिवारपासून (ता. २०) पुन्हा उपोषण सुरू केले आहे. त्यांच्या उपोषणाचा आज दुसरा दिवस होता. ते म्हणाले, ‘‘यापूर्वी उपोषणादरम्यान चर्चेसाठी वेळोवेळी शिष्टमंडळ आले आणि फुकटात चहा पिऊन गेले.
त्यात त्यांना साखर असलेले बिस्कीट नको. खारे बिस्कीट हवे. पाणी पिऊन गेले. वीस रुपयाला पाण्याची बाटली असते. याची उधारी कुठून द्यायची? शिष्टमंडळ येते आणि माघारी फिरते.
शिष्टमंडळाने आतापर्यंत काय केले, हे विचारले का, असा सवाल करीत जरांगे यांनी उपमुख्यमंत्री अजित पवार यांच्यावर निशाणा साधला. शिष्टमंडळाने आंदोलकांवरील एक तरी गुन्हा मागे घेतला का, मराठा आणि कुणबी एकच आहेत, याबाबतचा कायदा मंजूर केला का, कुणबी नोंदी शोधायचे काम का बंद केले, आदी प्रश्नांची सरबत्ती करत हे अजित पवार यांना दिसत नाही का. उपमुख्यमंत्री देवेंद्र फडणवीस यांनी मराठा समाजाला जे आरक्षण दिले, त्याबद्दल समाजाने त्यांचे १०५ आमदार निवडून दिले. हे ते विसरले का?’’असे सवाल त्यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.