उस्मानाबाद : मराठा आरक्षणाची ठिणगी पुन्हा पडली असून उस्मानाबादमधून राज्यव्यापी आरक्षण मोर्चाला सुरूवात झाली आहे. उस्मानाबादमधील कळंबमध्ये या मोर्चाला सुरूवात झाली असून यामध्ये लाखो नागरिक सहभागी होणार असल्याची माहिती आहे. त्याचबरोबर 'नो आरक्षण नो वोट' अशा आशयाचे पोस्टर लावण्यात आले आहेत.

(Maratha Reservation Protest Latest Updates)

दरम्यान, या मोर्चाला कळंब तालुक्यातून जवळपास १ लाख नागरिक येणार असल्याची माहिती आयोजकांनी दिली असून पोलिसांचा मोठा फौजफाटा दाखल करण्यात आला आहे. जोपर्यंत मराठा समाजाला आरक्षण मिळत नाही तोपर्यंत मतदान करणार नसल्याची भूमिका मराठा समाजाने घेतली असून त्यासंदर्भात पोस्टर लावण्यात आले आहेत.