लोहारा : तालुक्यात मंगळवारी (ता. 12) पहाटेच्या सुमारास झालेल्या वादळी वारे व अवकाळी पावसामुळे रब्बी पिकांचे मोठ्या प्रमाणात नुकसान झाले. तालुक्याच्या बहुतांश शिवारातील ज्वारीचे पिक आडवे झाले आहे.
तालुक्याच्या बहुतांश भागात मंगळवारी पहाटे एकच्या सुमारास विजांचा कडकडाट, वादळी वाऱ्यासह अवकाळी पाऊस झाला. तासभर कमी- अधिक प्रमाणात हा पाऊस पहाटे दोनपर्यंत सुरू होता. वादळी वाऱ्यामुळे काढणीला आलेल्या ज्वारीचे पीक फडातच आडवे झाले आहे. कणसात पाणी गेल्याने ज्वारी काळी पडण्याची भिती शेतकरी व्यक्त करीत आहेत. तालुक्यातील लोहारा, जेवळी, माकणी, अचलेर, बेंडकाळ, मार्डी, सास्तूर,धानुरी, आष्टाकासार, कास्ती आदी भागांत हा अवकाळी पाऊस झाला. ज्वारी पिकाबरोबरच हरभरा, गहू, करडई या पिकांनाही या वादळी वारे व अवकाळी पावसाचा फटका बसला आहे. या भागात ज्वारीचे पीक मोठ्या प्रमाणात घेतले जाते. मात्र या पिकाचेच मोठे नुकसान झाले आहे.
तालुक्यातील बेलवाडी येथे पहाटे दीडच्या सुमारास सेवालाल मंदिरावर वीज कोसळली. त्यात मंदिराच्या भिंतींना भेगा पडल्या असून, भिंतीही काळ्या झाल्या आहेत. जवळपास एक कोटीचे नुकसान झाल्याचा प्राथमिक अंदाज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.