आष्टी (जि. बीड) : अन्न व औषध प्रशासनाच्या अधिकाऱ्यांनी मंगळवार (ता. २५) तालुक्यातील विविध दूध संकलन केंद्रांवर सकाळी छापे टाकत दुधाचे नमुने तपासणीसाठी हस्तगत केले आहेत. राज्याच्या अन्न सुरक्षा आयुक्तांच्या मार्गदर्शनाखाली सुमारे २५ ते ३० अधिकाऱ्यांच्या पथकाकडून एकाच वेळी तालुक्यात ही कारवाई सुरू असल्याची माहिती हाती येत आहे.
तालुक्यात कृत्रिम दुधाच्या गोरखधंद्याने पुन्हा डोके वर काढले असून आष्टी तालुक्यातील अनेक गावांमध्ये रासायनिक पदार्थ मिश्रित करून हे दूध बनविले जात आहे. याबाबतच्या तक्रारी अऩ्न व औषध प्रशासन विभागाला प्राप्त झाल्याने तालुक्यात एकाच वेळी ही कारवाई करण्यात आली असल्याचे सूत्रांकडून समजते.
हेही वाचा - मराठ्यांच्या प्रश्नांबाबत सरकार गंभीर नाही
तालुक्यातील वाघळूज, बाळेवाडी, कुंबेफळ, खुंटेफळ, टाकळी आमिया आदी गावांमधील दूध संकलन व शीतकरण केंद्रांवर सकाळी आठ वाजण्याच्या सुमारास ही कारवाई करण्यात आली असून दुधाचे नमुने अन्न व औषध प्रशासन विभागाने घेतले आहेत. दूध संकलन केंद्रावरील काही जणांनाही या विभागातील अधिकाऱ्यांनी चौकशीसाठी ताब्यात घेतल्याची माहिती हाती येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.