केज (जि. बीड) - तालुक्‍यातील मस्साजोग येथून एक पंधरा वर्षीय अल्पवयीन मुलगी मैत्रिणीकडे जाते, असे सांगून शुक्रवारी (ता. 24) सकाळी घरातून बेपत्ता झाली आहे.

तिला पळवून नेल्याची तक्रार तिच्या वडिलांनी पोलिसांकडे केली आहे. त्यामुळे अज्ञात व्यक्तीच्या विरोधात केज पोलिस ठाण्यात गुन्हा दाखल करण्यात आला आहे.
मस्साजोग येथील पंधरा वर्षीय भोळसर मुलगी मैत्रिणीकडे जाते व अर्ध्या तासात परत येते, असे सांगून घरातून बाहेर गेली. ती उशिरापर्यंत घरी परत आलीच नाही.

आपली मुलगी बर्याच वेळापासून घरी परत न आल्याने तिच्या कुटूंबातील सदस्यांनी तिचा शोध घेऊनही ती आढळून आली नाही. त्यामुळे तिच्या वडिलांनी पोलिसांत दिलेल्या तक्रारीवरून केज पोलिस ठाण्यात अज्ञात व्यक्तीने तिला पळवून नेल्याचा गुन्हा दाखल करण्यात आला आहे. या घटनेचा तपास सहायक पोलिस निरीक्षक संतोष मिसळे हे करीत आहेत.