जिंतूर ( जिल्हा परभणी ) : तालुक्यातील कोरोना बाधित रुग्णांना तसेच येथील ट्रामा केअर सेंटरमध्ये (Trama care center) उपचार घेत असलेल्या रुग्णांना वेळेवर ऑक्सिजन (oxygen) उपलब्ध व्हावे यासाठी गणेश काजळे यांनी स्वखर्चाने शहरातील ग्रामीण रुग्णालयात भरलेले जंबो १० ऑक्सिजन सिलेंडर सोमवारी (ता. १७) तहसीलदार सखाराम मांडवगडे यांच्या हस्ते भेट स्वरुपात देऊन सामाजिक बांधिलकी जोपासली.

तालुक्यात मागील काही दिवसांपासून कोरोनाचा संसर्ग वाढीसोबतच रुग्णांची संख्या वाढत चाललेली आहे. या आजारात रुग्णांची ऑक्सिजन पातळी कमी होत असते अशावेळी रुग्णांना ऑक्सिजनची गरज असते. परंतु ऑक्सिजनच्या तुटवड्यामुळे तालुक्यातील रुग्णांना इतरत्र पाठवावे लागते. त्यात वेळ जात असल्याने प्रसंगी रुग्णाच्या जीवावर बेतले जाई. अशा परिस्थितीत जागेवरच ऑक्सिजन उपलब्ध व्हावे या सद्हेतूने सामाजिक कार्यात नेहमी पुढाकार घेऊन सर्वसामान्य नागरिकांसाठी झटणारे गणेश काजळे यांनी स्वखर्चाने ग्रामीण रुग्णालयातील ट्रामा केअर हा उपक्रम राबवित तहसीलदार सखाराम मांडवगडे यांच्या हस्ते रुग्णालयास ऑक्सिजनचे दहा सिलेंडर भेट देण्यात आले.

हेही वाचा - पुणे शहरातील कोरोना नियंत्रणात येत असल्याचे चित्र दिसू लागले

यावेळी वैद्यकीय अधीक्षक डॉ. रविकिरण चांडगे, डॉ. अनिफ खान, मंडळ अधिकारी प्रशांत राखे, संभाजी ब्रिगेडचे तालुका अध्यक्ष बाळासाहेब काजळे व ट्रामा केअर सेंटरमधील आरोग्य कर्मचारी यांची उपस्थिती होती तर गणेश काजळे मित्र मंडळाचे भागवत कापुरे, राम पाटील, दामोदर घुगे, राजाभाऊ काजळे, विशाल दहिवाल, वैभव काजळे आदी पदाधिकारी यांची उपस्थित होते. सामाजिक जीवन जगत असतात. आपणही समाजाचे काहीतरी देणे लावतो. या उद्देशाने तालुक्यातील कोरोना रुग्णांसाठी ऑक्सिजनचे सिलेंडर देण्यात आले.

संपादन- प्रल्हाद कांबळे