परभणी ः उप प्रादेशिक परिवहन अधिकारी (आरटीओ) कार्यालयातील एका लिपिकाने कार्यालयात कामानिमित्त आलेले वकीलांना उध्दट भाषा वापरून अपमानीत केले, असा आरोप करीत शेकडो वकीलांनी शनिवारी (ता.21) उप प्रादेशिक परिवहन अधिकारी कार्यालयात येऊन घटनेचा निषेध केला. या वेळी संपप्त वकीलांनी आरटीओंच्या खर्चीलाच तक्रार निवेदनाची कॉपी चिटकवून आपला रोष व्यक्त केला.

परभणी येथील उपप्रादेशिक परिवहन कार्यालयात येथील वकील अॅड. प्रमोद अंधारे हे शनिवारी (ता.२१) एका अन्य व्यक्तीसोबत मोटारसायकलच्या कर्जाचे तारण बोजा करण्यासाठी आले होते. त्यांनी त्यांची कागदपत्रे तेथील लिपिक पी. एन. कराळे यांच्याकडे सुपूर्द करून काम तातडीने करण्याची विनंती केली. परंतू, या कामावरून अॅड. प्रमोद अंधारे व लिपिक पी. एन कराळे यांच्यात वाद झाला. या वादात लिपिक पी. एन. कराळे यांनी आपल्याला अपशब्द काढून अपमानीत केले तसेच आपल्या व्यवसायाबद्दल देखील अपशब्द काढून वकीली पेशाचा अपमान केला असा आरोप अॅड. श्री. अंधारे यांनी केला.

हेही वाचा--नागरिकत्व कायद्याविरोधात परभणी जिल्ह्यात आंदोलन

आरटीओ कार्यालयात जमाव
या घटनेनंतर वकील संघातील शेकडो वकील उप प्रादेशिक परिवहन कार्यालयात गोळा झाले. त्यांनी या ठिकाणी ठिय्या आंदोलन केले. या वेळी उपप्रादेशिक परिवहन अधिकारी उपस्थित नव्हते. त्यामुळे वकिलांनी त्यांच्या रिकाम्या खुर्चीलाच तक्रार निवेदनाची कॉपी चिटकवली. या तक्रार निवेदनात लिपिक पी. एन. कराळे यांना निलंबित करावे, अशी मागणी या वेळी वकीलांनी केली.

जिल्हाधिकाऱ्यांनाही दिले निवेदन
उपप्रादेशिक परिवहन कार्यालयातील आंदोलन करून वकील मंडळी परत जिल्हाधिकारी कार्यालयात गेली. या ठिकाणी जिल्हा वकील संघाच्यावतीने घटनेचा निषेध करून जिल्हाधिकाऱ्यांना तक्रारीचे निवेदन देण्यात आले.

येथे क्लीक करा--हातकडीसह आरोपी फरार, पोलिसांना बलविले मामा ​

जाहिर माफी मागावी

उपप्रादेशिक परिवहन कार्यालयातील लिपिक पी. एन. कराळे यांनी आमच्या वकीली पेशा विषयी अपमानीत करणारे विधान केले आहे. याची त्यांनी जाहिर माफी मागावी व प्रशासनाने त्यांना निलंबीत करावे अशी आमची मागणी आहे.
अॅड. प्रमोद अंधारे., परभणी