file photo 
मराठवाडा

विवाहितेचा गळा दाबून खून;  पतीसह चार जणांवर गुन्हा 

सकाळ वृत्तसेवा

जिंतूर (जि.परभणी) : हळदीचे कूकर आणण्यासाठी एक लाख रुपयांची मागणी करत महिलेचा शारीरिक व मानसिक छळ करून पतीनेच तिचा गळा दाबून खून केल्याची घटना पाचेगाव (ता. जिंतूर) येथे सेमवारी (ता. २५) घडली. याप्रकरणी गुरुवारी (ता. २८) जिंतूर पोलिसात पती, सासू , सासरा यांच्या विरुद्ध खुनाचा गुन्हा दाखल करण्यात आला आहे.
पाचेगाव येथील चंद्रकांता अनिल तळेकर यांचा विवाह अनिल दत्तराव तळेकर यांच्यासोबत झाला. विवाहानंतर पती, सासू, सासरा व दीर नेहमी पैशासाठी त्रास देत होते. मृत चंद्रकांताची सासू निलाबाई तळेकरने हळदीचे कूकर आणण्यासाठी एक लाख रुपये माहेराहून घेऊन ये, असे म्हणून सातत्याने त्रास दिला. दरम्यान, बुधवारी (ता. २५) संबंधित विवाहितेचा पती, सासू, सासरा व भाया यांनी विवाहितेची गळा दाबून हत्या केली. 

पतीसह चार जणांवर गुन्हा दाखल
यासंदर्भात कैलास रंगनाथ रणेर यांनी जिंतूर पोलिसात दिलेल्या तक्रारीवरून आरोपी पती अनिल दत्तराव तळेकर, सासू निलाबाई दत्तराव तळेकर, सासरा दत्तराव श्रीपतराव तळेकर, भाया राधाकिसन दत्तराव तळेकर यांच्याविरुद्ध जिंतूर पोलिसात खुनाचा गुन्हा दाखल करण्यात आला. सहायक पोलिस निरीक्षक अभय दंडगव्हाण हे प्रकरणाचा पुढील तपास करीत आहेत.

शेतीच्या वादावरून दोन गटांत हाणामारी
गंगाखेड (जि.परभणी)
: पडेगाव (ता. गंगाखेड) शिवारामध्ये शेतजमिनीतील लिंबाचे झाड तोडण्याच्या वादावरून दोन जणांच्या डोक्यामध्ये कुऱ्हाडीने वार करून गंभीर जखमी केल्याची घटना बुधवारी (ता. २७) सकाळी साडेअकरा वाजता घडली.
पडेगाव शिवारामध्ये अशोक भागोजी बोबडे व उत्तम दतराव आगलावे यांच्यामध्ये शेतजमिनीचा वाद आहे. सर्वे नंबर १११ मध्ये पाणंद रस्त्याचे काम चालू असताना अशोक बोबडे हे बुधवारी दुपारी साडेअकरा वाजता शेतामध्ये पाणंद रस्ता तयार करण्यासाठी जमीन मोजणी करत असताना त्या वादग्रस्त जमिनीमध्ये असलेल्या लिंबाच्या झाडाच्या तोडण्यावरून उत्तम आगलावे यांनी हातातील कुऱ्हाड बोबडे यांचे चुलते खोबराजी तुकाराम बोबडे यांच्या डोक्यामध्ये मारून गंभीर जखमी केले. अशोक बोबडे यांचे बंधू ज्ञानोबा भागोजी बोबडे सोडविण्यासाठी गेले असता त्यांना उत्तम आगलावे यांच्यासह अन्य तिघा जणांनी त्यांच्याही डोक्यात कुऱ्हाड मारून गंभीर जखमी केले. 

गंगाखेड पोलिसात गुन्हा दाखल
याप्रकरणी गंगाखेड पोलिस ठाणे येथे अशोक भागोजी बोबडे (रा. पडेगाव) यांच्या फिर्यादीवरून संशयित आरोपी उत्तम दतराव आगलावे, जोतिराम एकनाथ आगलावे, आकाश गोपीनाथ आगलावे, बळिराम एकनाथ आगलावे (सर्व रा. पडेगाव) यांच्या विरोधात गंगाखेड पोलिसात गुन्हा दाखल करण्यात आला. सदरील प्रकरणाचा तपास सहायक पोलिस निरीक्षक राजेश राठोड हे करीत आहेत .
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

ENG vs IND: आकाश दीपने १० विकेट्ससह विक्रम कामगिरी बहिणीला केली समर्पित! कारणही आहे खूपच भावूक

CA Result: ‘सीए’च्या अंतिम परीक्षेत छत्रपती संभाजीनगरचा राजन काबरा देशात प्रथम; १४ हजार २४७ उमेदवार पात्र ठरले

WTC Points Table: टीम इंडियाने इंग्लंडविरुद्ध दुसऱ्या कसोटीतील विजयासह उघडलं गुणांचं खातं! जाणून घ्या टीम कोणत्या क्रमांकावर

Pune Viral Video: इंजिनिअरिंगमध्ये 3 वेळा नापास, तरुणाची पुण्यातील राजाराम पुलावरून नदीपात्रात उडी, व्हिडिओ व्हायरल

ENG vs IND: शुभमन गिलच्या टीम इंडियाने इतिहास रचला, ५८ वर्षांत पहिल्यांदाच बर्मिंगहॅममध्ये फडकवली विजयी पताका

SCROLL FOR NEXT