तुळजापूर - नवरात्रोत्सवानिमित्त सध्या सजावटीच्या फुलांनी तुळजाभवानी मातेच्या मंदिराचा परिसर दरवळला आहे. दरम्यान, सोमवारी (ता.१६) पुण्याच्या ताम्हाणे कुटुंबीयांनी परिसरात फुलांच्या सजावटीसाठी पुढाकार घेतला होता.

तुळजाभवानी मंदिरात नवरात्रोत्सवाच्या दुसऱ्या माळेला पुण्याच्या ताम्हाणे कुटुंबीयांकडून सोमवारी फुलांची सजावट करण्यात आली होती. त्यामध्ये सीमोल्लंघन पारावर फुलांमध्ये देवीची प्रतिमा साकारण्यात आली होती. या सजावटीसाठी बाराशे किलो झेंडू, पाचशे किलो शेवंती, दोनशे किलो ॲस्टरची फुले, तीनशे जुड्यांचे गुलाब, ऑर्किड यासह विविध फुलांचा समावेश होता. सजावट केलेली ही फुले भाविकांचे लक्ष वेधून घेत होती.