जेवळी (उस्मानाबाद) ः येथील बेन्नीतुरा नदीच्या पुलावर मालवाहतूक टेंपो व दुचाकीचा मंगळवारी (ता. 27) अपघात झाला होता. या अपघातात गंभीर जखमी झालेल्या विनोद बोडके या युवकाचा सोलापूर येथे उपचारादरम्यान रविवारी (ता. एक) मृत्यू झाला.
याबाबत अधिक माहिती अशी, की वडगाववाडी (ता. लोहारा) येथील विनोद प्रभाकर बोडके (वय 21) हा युवक मंगळवारी (ता. 27) मित्राबरोबर दुचाकीने (एमएच-14, बीएच-4453) आयुर्वेदिक औषध आणण्यासाठी अचलेरकडे जात होता. या वेळी जेवळी येथील राजमार्गावरील बेन्नीतुरा नदीच्या पुलावर जळकोटवरून लोहाराकडे जाणाऱ्या भरधाव मालवाहतूक टेंपोने (एमएच-25, एजे-0604) दुचाकीला जोरदार धडक दिली. या अपघातात विनोद बोडके याच्या डोक्‍याला दुखापत झाल्याने तो गंभीर जखमी झाला होता. त्याच्यावर सोलापूर येथील एका रुग्णालयात उपचार सुरू होते.
गेल्या सहा दिवसांपासून विनोदची मृत्यूशी सुरू असलेली झुंज रविवारी थांबली. रविवारी रात्री नऊच्या सुमारास उपचारादरम्यान त्याचा मृत्यू झाला. विनोद लोहारा येथील महाविद्यालयात शिक्षण घेत होता. त्याच्या मागे आई-वडील, दोन भाऊ असा परिवार आहे. या घटनेमुळे वडगाववाडी गावावर शोककळा पसरली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.