परभणी ः यंदा कोरोना संसर्गामुळे गणेशोत्सवावर सावट आलेले आहे. बाप्पाच्या स्वागतासाठी शनिवारी कुठेही ना ढोल वाजला ना ताशा कडाडला. परंतू, विघ्नहर्त्या गणेशाचे गणेशभक्तांनी तितक्याच आनंद व उत्साहाच्या वातावरणात स्वागत केले. घरोघरी गणेशमुर्ती नेऊन नागरिकांनी मनोभावे प्रतिष्ठापणा केली. बाप्पा....! जगावर आलेले कोरोनाच्या महामारीचे विघ्न पळवून लाव... असे साकडे घालत गणेश मुर्तींची पुजा केली. शहरासह जिल्ह्यात यानिमित्ताने प्रशासनाने तयारी केली होती. तर पोलिसांनी चोख बंदोबस्त ठेवला होता. 

सार्वजनिक गणेशोस्तवाला आज शनिवार (ता.२२) पासून सुरूवात झाली. गेल्या १२ महिण्यापासून बाप्पाची वाट पाहणाऱ्या गणेश भक्तांनी मोठ्या उत्साहात आपल्या लाडक्या बाप्पाचे स्वागत केले. यावर्षीच्या उत्सवावर कोरोनाचे सावट असले तरी, घरगुती पद्धतीने सोशल डिस्टन्सिंगचा पालन करून गणपती बाप्पाचे प्रत्येकाच्या घरी आनंदात स्वागत झाले. प्रशासनाने गर्दीवर नियंत्रण आणण्यासाठी केलेल्या उपाययोजनामुळे बाजारपेठेत तुरळक गर्दी दिसून आली.

हेही वाचा - Video - संगीत शब्द ऐकल्याने मन का होते उल्हासित, वाचाच तुम्ही

नागरिकांची खरेदीसाठी गर्दी 
परभणी शहरात गणेशोत्सवाला शनिवारपासून उत्साहात सुरुवात झाली. कोरोनाचे मळभ दुर सारून सर्वच गणेश भक्तांनी यंदाही उत्साह दाखविला. सार्वजनिक गणेशोत्सवाला परवानगी नसली तरी घरोघरी मात्र बाप्पाचे त्याच आनंदाच्या वातावरणात स्वागत करण्यात आले. सकाळपासूनच परभणीतील गांधी पार्क, गुजरी बाजार, शिवाजी चौक, क्रांती चौक व स्टेशनरोडवर नागरिकांची खरेदीसाठी गर्दी दिसून आली. ऐरवी दरवर्षी नागरिकांच्या गर्दीने खचाखच भरून दिसणारा गांधी पार्कात यंदा मात्र खरेदीसाठी आलेल्या नागरिकांची तुरळक गर्दी दिसत होती. 

हेही वाचा - भाजपा वैद्यकीय आघाडीकडून ‘या’ नेत्याचा जाहिर निषेध, कोणत्या ते वाचा..

गणेश मुर्तीची दुकाने विभागली
ऐरवी गांधी पार्क परिसरात गणेश मुर्तीची दुकाने लागलेली असतात. मात्र यंदा कोरोना विषाणु संसर्गामुळे नागरिकांच्या गर्दीवर नियंत्रण रहावे यासाठी गणेश मुर्तीची दुकाने वसमत रस्ता व शनिवार बाजार परिसरात हलविण्यात आली होती. त्यामुळे गर्दी विभागली गेली. त्यामुळे गांधी पार्क परिसरात नागरिकांची संख्या रोडावल्याचे चित्र दिसत होते.

संपादन ः राजन मंगरुळकर