-दिलीप पवार

अंकुशनगर (जि. जालना) : आता कुठे छोट्या-छोट्या घटकांना प्रतिनिधित्व भेटण्यास सुरवात झाली असुन त्यांचे हक्काचे आरक्षण संरक्षित करण्यासाठी आम्ही हे आंदोलन करणार आहोत. शासन पोलिसांच्या मदतीने आमचा आंदोलन दडपण्याचा प्रयत्न करत असल्याचे ओबोसी नेते लक्ष्मण हाके यांनी म्हटले आहे.

अंबड ते ओबीसीच्या बैठकीला जाताना ते वडीगोद्री येथे माध्यमांशी बोलत होते. लोकशाही आणि सदनशील मार्गाने आम्ही उपोषण करणार आहोत. हातामध्ये काठ्या, कुऱ्हाड्या घेऊन आंदोलन करत नाहीत. ओबीसी समाजाचे यापूर्वी तीन आंदोलन झाले आहेत. शासनाने याची दखल घेतली नाही. याचे आम्हाला दुःख आहे. शासन ओबीसींना दुय्यम वागणूक देते आहे. ओबीसी बांधवांची आज बैठक होणार आहे. त्यात निर्णय घेतला जाईल. ओबीसींचा आवाज दाबण्याचा शासनाकडून प्रयत्न केला जाता आहे.

आंतरवाली सराटीमध्ये 60 टक्के ओबीसी समाज आहे. त्यामुळे अंतरवाली सराटी येथे आपण उपोषण करणार असून यावर ठाम आहोत, श्री हाके यांनी म्हटले. उपोषणा संदर्भात जी आम्हाला नोटीस दिली, ती जरांगे यांना नोटीस दिली का ? याचे उत्तर शासनाने द्यावे. शासन ओबीसी समाजाला जशी वागणूक देत आहे, तशी त्यांच्या बाबतीत आहे का? आम्ही उपोषणासाठी ठाम आंदोलनामध्ये तसूवर सुद्धा बाजूला हटणार नाही, असे ही श्री. हके यांनी म्हटले.