लातूर : जिल्ह्यातील ४०८ ग्रामपंचायतीच्या सार्वत्रिक निवडणुकीचा बिगुल वाजला तरी उमेदवारी अर्ज दाखल करण्याच्या पहिल्या दिवशी गावकुसातील कारभाऱ्यांमध्ये तेवढा उत्साह दिसून आला नाही. पहिल्या दिवशी जिल्ह्यात एकच शेषेराव गणपती जोगदंड यांनी नळेगाव (ता. चाकूर) ग्रामपंचायतीच्या प्रभाग एकमधून अनुसूचित जातीसाठी राखीव जागेसाठी अर्ज केला आहे.
ग्रामपंचायत निवडणुकीसाठी बुधवारी (ता.२३) उमेदवारी अर्ज दाखल करण्यास सुरवात झाली. ३० डिसेंबरपर्यंत उमेदवारी अर्ज दाखल करता येणार असले तरी दरम्यानच्या कालावधीतील २५, २६ व २७ डिसेंबर हे तीन दिवस सार्वजनिक सुट्टी असल्याने अर्ज दाखल करता येणार नाहीत. यामुळे अर्ज दाखल करण्यासाठी चार दिवस उरले असून सोमवार पासूनच (ता. २८) गर्दी होण्याची शक्यता आहे. जिल्ह्यात ४०८ ग्रामपंचायतीच्या तीन हजार ५४८ जागांसाठी निवडणूक होत असून यापैकी बुधवारी केवळ एका जागेसाठी एकच अर्ज आला आहे. सर्व ग्रामपंचायतींसाठी निवडणूक निर्णय अधिकाऱ्यांची नियुक्ती करण्यात आली असून इच्छुकांना ऑनलाईन अर्ज दाखल करण्याचे बंधन आहे.
Edited - Ganesh Pitekar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.