उदगीर : पानिपत हा मराठ्यांचा धगधगता इतिहास...हा इतिहास जागृत व्हावा, नवीन पिढीला याची माहिती व्हावी यासाठी कोल्हापूरच्या इतिहास प्रेमी युवकांनी पुढाकार घेवुन उदगीर ते पानिपत मराठा पराक्रमाची अनुभूती देणाऱ्या पानिपत शौर्ययात्रेचे 7 ते 14 जानेवारी दरम्यान आयोजन करण्यात आले आहे. 

शनिवारी (ता.28) पानिपत शौर्य यात्रेच्या आयोजकानी आयोजित केलेल्या पत्रकार परिषदेत ही माहिती देण्यात आली. यावेळी कोल्हापूरचे अश्विन शिंदे, प्रकाश पाटील, आकाश मोरे, विनायक भोसले यांच्यासह बसवराज पाटील नागराळकर, रमेश अंबरखाने, प्रकाश मुळे, मोतीलाल डोईजोडे, डॉ.आर. एन. लखोटिया, दत्ताजी पाटील, विजयकुमार पाटील, डॉ.संजय कुलकर्णी आदी यावेळी उपस्थित होते. 

सात जानेवारीला कोल्हापुरहून प्रस्थान

पानिपतच्या लढाईत मराठे ज्या मार्गाने गेले, त्याच मार्गाने ही यात्रा जाणार आहे. सात जानेवारी रोजी कोल्हापूर येथून या यात्रेचे प्रस्थान होणार असून ही यात्रा उदगीर येथुन परतुर, बुरानपुर, देवास, गुणा, कुरुक्षेत्र मार्गे पानिपत येथे पोहोचणार आहे. 

सायकलला दिवा लावून का फिरतात कलेक्टर

तीन अभिनेत्रींविरोधात बीडमध्ये गुन्हा
उदगीर येथुन सुरुवात झालेली पानिपतची लढाई, मराठे ज्या मार्गाने गेले आणि जेथे-जेथे लढले त्या आठवणी, ते अनुभव नव्या पिढीला माहिती असावेत यासाठी या यात्रेचे आयोजन करण्यात आले असून यामध्ये मुंबई, ठाणे, चिपळूण, कराड, सातारा, पुणे, औरंगाबाद, बीड, सांगली, इचलकरंजी येथील असंख्य इतिहास प्रेमी सहभागी होणार असल्याचेही श्री शिंदे यांनी यावेळी सांगितले. 

सात राज्यांना जोडणारी यात्रा
देशातील सात राज्यांना जोडणारी ही यात्रा एका अर्थाने मध्य उत्तर भारताला जोडणारी आगळी वेगळी यात्रा आहे. छत्रपती शिवाजी महाराजांच्या स्वराज्याच्या, दैदिप्यमान इतिहास व पराक्रमाचा या निमित्ताने मार्गातील प्रत्येक गावात स्वराज्य प्रेम, देशप्रेम जागृत करावे व लोकांना जोडावे यासाठी ही यात्रा आयोजित केली आहे, जास्तीत जास्त इतिहासप्रेमी नागरिक युवकांनी या यात्रेत सहभागी व्हावेत असे आवाहन श्री. शिंदे यांनी यावेळी केले.