बीड: पुण्यातील पुजा चव्हाण या तरुणीने आत्महत्या प्रकरण सध्या चांगलेच गाजत आहे. या प्रकरणात महाविकास आघाडीच्या एका मंत्र्याचे नाव चर्चेत आहे. त्यामुळे आता भाजप चांगलेच आक्रमक झाल्याचं मिळत आहे. आता याबद्दल भाजप नेत्या पंकजा मुंडे यांनी या प्रकरणाची सविस्तर तपास करण्यात यावा ही मागणी राज्य सरकारकडे केली आहे.
पंकजा मुंडे यांनी ट्विट करत या पुजा चव्हाणच्या आत्महत्येच्या तपासाची मागणी केली आहे. 'पूजा चव्हाण ही माझ्या मतदारसंघातील तरूणीचा मृत्यू ही बातमी अतिशय धक्कादायक आहे. हया तरूणीच्या मृत्यूची सखोल चौकशी झाली पाहिजे' असं ट्विट पंकजा मुंडे यांनी केली आहे.
नेमके काय आहे प्रकरण?
पुजा चव्हाण (वय २२) या तरुणीने गेल्या रविवारी मध्यरात्रीच्या सुमारास पुण्यातील महंमदवाडी परिसरातील हेवन पार्क सोसायटीच्या तिसऱ्या मजल्यावरून उडी घेतली होती. रुग्णालयात नेत असताना तिने जीव सोडला. तिचे विदर्भातील एका मंत्र्यांसोबत प्रेमसंबंध असल्यामुळे तिने आत्महत्या केल्याची चर्चा रंगली होती. त्यानंतर भाजपच्या अनेक नेत्यांनी त्या संबंधित मंत्र्यांवर कारवाई करण्याची मागणी केली आहे. मात्र, आतापर्यंत कोणीही नाव उघड केलेले नव्हते. आता भातखळकरांनी थेट 'राठोडगिरी' म्हणत मंत्री सेनेचा असल्याचे म्हटले आहे.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.