परळी (बीड) : बीड जिल्ह्यातील परळी विधानसभा मतदारसंघात धक्कादायक निकाल लागला असून ग्रामविकास मंत्री पंकजा मुंडे यांचा पराभव झाला आहे. त्यानंतर माध्यमांशी बोलताना त्यांनी पहिली प्रतिक्रीया दिली असून जनतेचा कौल मी स्वीकारला असल्याचे त्यांनी म्हटले आहे.
पंकजा मुंडे म्हणाल्या, मतदारांनी दिलेला कौल मी स्वीकारला असून मला निकाल मान्य आहे पण हा निकाल अनाकलनीय असल्याचेही त्यांनी म्हटले आहे. बीड जिल्ह्यात गड आला पण सिंह गेला अशी परिस्थिती असून परळीत सर्वात धक्कादायक निकाल पंकजा मुंडे यांचा पराभव झाल्यानंतर त्यांनी कार्यकर्त्यांना संयम बाळगण्याचे आवाहन केले आहे.
दरम्यान, परळीत विजयी जल्लोष सुरु असून परळीत धनंजय मुंडे यांचे पहिल्या फेरीपासून मताधिक्क्य सुरु असतानाच त्यांच्या विजयाची खात्री समर्थकांना होती. २० हजारांच्या पुढे मताधिक्क्य गेल्यानंतर परळीत धनंजय मुंडे समर्थकांनी जल्लोष सुरु केला. धनंजय मुंडे सुरुवातीपासून मतमोजणी केंद्रात होते. त्यांनीही गुलाल खेळून समर्थकांचा उत्साह वाढविला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.