परभणी : नागरीकत्व सुधारणा कायद्याच्या समर्थनार्थ राष्ट्रप्रेमी कृती समितीच्यावतीने परभणी शहरात सोमवारी (ता.३०) मोठी फेरी काढण्यात आली. शनिवार बाजार मैदान ते जिल्हाधिकारी कार्यालयापर्यंत ही फेरी काढण्यात आली. 

>नागरीकत्व सुधारणा कायद्याच्या समर्थनार्थ परभणी शहरातील राष्ट्रप्रेमी नागरीक कृती समितीच्यावतीने सोमवारी (ता.३०) दुपारी साडेबारा वाजता शनिवार बाजार मैदानातून ही फेरी सुरु करण्यात आली. शनिवार बाजार, नानलपेठ, शिवाजी रोड, शिवाजी चौक, गुजरी बाजार, गांधी पार्क, अष्टभुजा देवीचौक, स्टेशन रोड मार्गे ही फेरी जिल्हाधिकारी कार्यालयसमोर आली. फेरीत महिलांचा सहभाग मोठा होता. लांबच लांब तिरंगा घेवून फेरीत युवक सहभागी झाले होते. फेरीच्या सुरवातीला बालाजी मंदिराचे महंत यांच्यासह अनेक मंदिराचे महंत सहभागी झाले होते.

जिल्हाधिकाऱ्यांना निवेदन

भाजपचे महानगराध्यक्ष आनंद भरोसे, आमदार मेघना बोर्डीकर, विश्वहिंदू परिषदेचे आनंत पांडे यांच्यासह बहुतांश व्यापारी सहभागी झाले होते. त्या ठिकाणी राष्ट्रगीताने फेरीचा समारोप करण्यात आला. त्यानंतर राष्ट्रप्रेमी नागरीक कृती समितीच्यावतीने जिल्हाधिकाऱ्यांना निवेदन सादर करण्यात आले.भाजपचे महानगराध्यक्ष आनंद भरोसे ,माजी आमदार मोहन फड, आमदार मेघना बोर्डीकर, आनंत पांडे ,आनंद बनसोडे, सुनील देशमुख, सादिक इनामदार, गणेशराव रोकडे, अशोक डहाळे ,राजकुमार भांबरे, प्रल्हादराव कानडे

पोलिसांचा कडेकोट बंदोबस्त
ता. २० डिसेंबर रोजी नागरीकत्व सुधारणा कायद्याच्या विरोधात काढण्यात आलेल्या फेरी दरम्यान झालेल्या दगडफेकीच्या पार्श्वभूमीवर सोमवारी (ता.३०) समर्थनार्थ काढण्यात आलेल्या फेरीसाठी पोलिसांनी मोठा बंदोबस्त ठेवला होता.

हेही वाचा :  मिरचीपुड डोळ्यात टाकत मारहाण

तिरंगा ध्वज सर्वांचे आकर्षण ठरला
फेरीतील सर्वांच्या हातात तिरंगा व भगवा ध्वज देण्यात आला होता. विविध घोषणाची फलक देखील महिला व मुलींच्या हातात होती. वेगवेगळ्या घोषणा देत सर्व जन सहभागी होत होते. फेरी दरम्यान लांबच लांब ध्वज घेवून नागरीक सहभागी झाले होते. हा ध्वज सर्वांचे आकर्षण ठरला होता. त्या बरोबर परभणी शहराची ओळख असलेल्या गोंधळ या लोककलेचे सादरीकरण देखील फेरी दरम्यान करण्यात आले होते.

दुपारपर्यंत बाजारपेठ बंद
नागरीकत्व कायद्याच्या समर्थनार्थ काढण्यात आलेल्या फेरीच्या पार्श्वभूमीवर शहरातील प्रमुख बाजारपेठ सकाळपासून बंद ठेवण्यात आली होती. फेरी संपल्यानंतर बाजारातील दुकाने उघडण्यात आली.

हेही वाचा :   ‘या’ महाविद्यालयात विद्यार्थी संतापले