सेलू (जि.परभणी) : सेलू शहरासह तालुक्यात मंगळवारी ( ता.२८ ) रोजी सायंकाळी नऊच्या सुमारास विजेच्या कडकडासह अवकाळी पावसाने जोरदार हजेरी लावली. मंगळवारी सकाळपासून ढगाळ वातावरण होते. सायंकाळी नऊच्या सुमारास विजेच्या कडकडासह जोरदार पावसाने हजेरी लावल्याने रब्बी हंगामातील पिकांचे आतोनात नुकसान होईल या चिंतेने शेतकरी राजा हैरान झाला आहे.

या आगोदर सततच्या पावसामुळे खरिप हंगामातील पिक शेतकरांच्या हातातून गेली. रब्बीतील पिके तरी आपल्या हातात येतील अशु आशा शेतकर्‍यांना होती. परंतु मंगळवारी अचानक वातावरणात बदल होवून सायंकाळच्या सुमारास विजेच्या कडकडासह पावसाने जोरदार हजेरी लावल्याने रब्बीतील पिकांचेही नूकसान होणार या चिंतेत शेतकरी राजा सापडला आहे.