जिंतूर शहरातील पाटील विहीर परिसरात एका ४५ वर्षीय शेतकऱ्याने सततची नापिकी व कर्जबाजारीपणा त्यातच प्रापंचिक प्रश्न या विवंचनेतून गळफास घेऊन आत्महत्या केली. सदरील घटना रविवारी दुपारनंतर शहरातील पाटील विहीर परिसरात घडली. विलास रामराव रोकडे असे आत्महत्याग्रस्त शेतकऱ्याचे नाव आहे.

यावर्षी पाऊस कमी पडल्याने विलास रोकडे यांच्या शेतातील सोयाबीन पिकाच्या उत्पादनात मोठी घट झाली.त्यामुळे बँकेचे कर्ज कसे फेडावे याच विवंचनेत राहत असत त्यातच घरसंसार, मुलांचे शिक्षण मुलीचे लग्न तसेच औषधाची उधारी यासारखे अनेक प्रश्न समोर उभे ठाकले असल्याच्या विवंचनेतून त्यांनी राहत्या घरी गळपास घेऊन मरणाला कवटाळले.

नातेवाईकांनी त्यांना तत्काळ ग्रामीण रुग्णालयात दाखल केले.परंतु तपासणीअंती डॉक्टरांनी त्यांना मृत घोषित केले,त्यांच्या पश्चात आईवडील,पत्नी,दोन मुली,एक मुलगा असा परिवार आहे.या घटनेमुळे

घरातील कर्ता पुरुष गेल्याने रोकडे कुटुंबावर दु:खाचा डोंगर कोसळला आहे.परिसरातूनही हळहळ व्यक्त होत आहे. बातमी लिहीपर्यंत घटनेची नोंद पोलीस ठाण्यात घटनेची नोंद झालेली नव्हती.