गंगाखेड : नुकसान झालेल्या सोयाबीन पिकाचा दिवाळीपूर्वी अग्रीम पीकविमा द्यावा, यासह इतर मागण्यांसाठी मागण्यासाठी डोंगरी जन परिषदेच्या वतीने सोमवारी (ता. १०) रास्तारोको आंदोलन करण्यात आले.

सततचा पाऊस व नंतर पडलेल्या खंड यामुळे पिकाची परिस्थिती गंभीर आहे. यामुळे डोंगरी जन परिषदेच्या वतीने शहरातील पालम रस्त्यावर असलेल्या उड्डाणपुलाजवळ रास्तारोको आंदोलन करण्यात आले. यावेळी शेतकऱ्यांच्या वतीने नुकसानग्रस्त सोयाबीन पिकांचा २५ टक्के अग्रीम विमा दिवाळीपूर्वी शेतकऱ्यांच्या खात्यात जमा करावा.

अतिवृष्टी अनुदानात संपूर्ण तालुक्याच्या समावेश करावा, कार्यालय बसून बनावट पंचनामे करीत निरंक अहवाल सादर करणाऱ्या ग्रामसेवक, तलाठी, कृषी सहाय्यक यांच्यावर निलंबनाची कार्यवाही करावी, रिलायन्स जनरल इन्शुरन्स कंपनीवर गुन्हा दाखल करावा आदी मागण्या करण्यात आल्या.यावेळी डोंगरी जन परिषदेचे मुख्य संयोजक पंडित घरजाळे, आश्रोबा सोडगीर, पंडित सोडगीर, बालासाहेब मुंडे, बंकट मुंडे, जगन्नाथ मुंडे यांच्यासह शेतकरी मोठ्या संख्येने उपस्थित होते.