अखिल भारतीय मराठी साहित्य संमेलनातील बालमेळाव्यात शनिवारी (ता.२३) तहसीलदार तथा साहित्य अकादमी पुरस्कार विजेते बालसाहित्यिक आबा महाजन यांची मुलाखत पार पडली.
उदगीर - अखिल भारतीय मराठी साहित्य संमेलनातील बालमेळाव्यात शनिवारी (ता.२३) तहसीलदार तथा साहित्य अकादमी पुरस्कार विजेते बालसाहित्यिक आबा महाजन यांची मुलाखत पार पडली. यावेळी संजय ऐलवाड आणि बालसाहित्यिक मैत्री लांजेवार आणि जान्हवी जगदाळे यांनी त्यांच्याशी संवाद साधला. यावेळी आबा महाजनांनी बालसाहित्यिकांच्या प्रश्नांना उत्तरे देत उपस्थित विद्यार्थ्यांना साहित्य निर्मितीसाठी मार्गदर्शन केले.
एका प्रश्नाला उत्तर देताना आबा महाजन म्हणाले, की मी शिक्षक, तहसीलदार, साहित्य अकादमी पुरस्कार, पाठ्यपुस्तकात पाठ्य प्रकाशित होण्यासारखी अशी अनेक स्वप्ने पाहिली व मोठ्या चिकाटीने ते सत्यात उतरवली. त्यामुळे मुलांनीही छोटी छोटी स्वप्ने पाहून ती सत्यात उतरवण्यासाठी मोठ्या जिद्दीने प्रयत्न करावेत. यासोबतच त्यांनी यावेळी त्यांच्या बालपणीचे व शालेय जीवनातील किस्से सांगत आठवणींना उजाळा दिला.
उलगडला साहित्य प्रवास
लहानपणापासून आबा महाजन यांना पुस्तके वाचण्याची सवय होती. त्यावेळी बहिणाबाई चौधरी, राजन गवस, साने गुरुजी, केशवसुत, भालचंद्र नेमाडे यांच्यासारख्या अनेक थोर साहित्यिकांची पुस्तके वाचून साहित्यनिर्मितीची आवड निर्माण झाल्याचे श्री. महाजन यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.