बीड : मधल्या काळात थंडावलेला कोरोनाचा कहर जिल्ह्यात पुन्हा सुरू झाला. शुक्रवारी (ता. तीन) बीडमधील एका खासगी डॉक्टरला बाधा झाल्यानंतर शनिवारी (ता. चार) पुन्हा परळीतील पाच बँक अधिकाऱ्यांना बाधा झाल्याचे समोर आले. शनिवारी जिल्ह्यात नऊ आणि बाहेर गेलेल्या दोघांना बाधा आढळली.
शुक्रवारी तीन कोरोनाग्रस्त रुग्ण आढळले होते. यात शहरातील एका प्रतिथयश रुग्णालयातील डॉक्टरला बाधा झाल्याचे समोर आले होते. शनिवारी सर्वाधिक २५१ थ्रोट स्वॅब तपासणीला पाठविले. यात नऊ स्वॅबचे अहवाल पॉझिटीव्ह आले तर २४२ अहवाल निगेटीव्ह आले. यामध्ये सर्वाधिक पाच परळी शहरातील पुरुष आहेत. तर, राळेसांगवी (ता. शिरुर) येथील भिवंडीहून आलेल्या एका पुरुषासह बागझरी (ता. अंबाजोगाई) येथे पुण्याहून आलेल्या महिलेला कोरोनाची बाधा असल्याचे समोर आले.
बीड शहरातील अजीजपुरा व डीपी रोड या ठिकाणी प्रत्येकी एका महिलांना कोरोनाची बाधा असल्याचे समोर आले. दरम्यान, बीडमधील बालेपीरमधील औरंगाबादला गेलेल्या एकाला व कारखेल (ता. आष्टी) येथून नगरला गेलेल्या एकाला कोरोनाची बाधा असल्याचे समोर आले आहे. जिल्ह्यात आतापर्यंत कोरोनाग्रस्तांचा आकडा दिडशेच्या घरात गेला आहे. आतापर्यंत ११५ कोरोनाग्रस्त उपचारानंतर बरे झाले असून सहा जणांचा मृत्यू झाला आहे.
परळीत पाच बँक अधिकारी बाधित
दरम्यान, यापूर्वी परळीच्या एका महिलेचा औरंगाबादेत उपचारा दरम्यान मृत्यू झाला असून शनिवारी पुन्हा पाच जण कोरोनाग्रस्त आढळल्याने भिती वाढली आहे. विशेष म्हणजे हे पाच लोक एका बँकेतील अधिकारी व कर्मचारी आहेत. त्यामुळे भितीत अधिकच भर पडली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.