गेवराई - तालुक्‍यातील गुंतेगाव येथे वाळू तस्करांनी केलेल्या मारहाणीत जखमी झालेले नायब तहसीलदार वैजनाथ जोशी.
गेवराई - तालुक्‍यातील गुंतेगाव येथे वाळू तस्करांनी केलेल्या मारहाणीत जखमी झालेले नायब तहसीलदार वैजनाथ जोशी. 
मराठवाडा

महसूलच्या पथकावर वाळू तस्करांचा हल्ला

सकाळवृत्तसेवा
गेवराई - अवैध वाळू उपसा करणाऱ्यांवर कारवाई करण्यासाठी गेलेल्या महसूलच्या पथकावर अंधाराचा फायदा घेऊन अज्ञात नऊ वाळू तस्करांनी दगडफेक केली, त्यानंतर लाथाबुक्‍क्‍यांनी मारहाण केली. ही घटना शुक्रवारी (ता. सात) पहाटे तालुक्‍यातील गुंतेगाव येथे घडली. या हल्ल्यात नायब तहसीलदारांसह पाचजण जखमी झाले आहेत.

तालुक्‍यातील गुंतेगाव येथील गोदावरी पात्रातून अवैध वाळू उपसा केला जात होता. या ठिकाणी कारवाई करण्यासाठी गेवराई तहसीलच्या महसूल विभागाचे पथक शुक्रवारी पहाटे गुंतेगाव येथील गोदावरी पात्रात गेले. या पथकात नायब तहसीलदार वैजनाथ जोशी, तलाठी राहुल मिसाळ, माणिक पांढरे, प्रकाश निकाळजे, अशोक खिंडरे आणि चालक सत्तार हे सहभागी होते. या पथकाने या ठिकाणी एक ट्रक ताब्यात घेतला असता, या वेळी नऊ वाळू तस्करांनी या पथकावर अंधाराचा फायदा घेऊन दगडफेक केली; तसेच लाथाबुक्‍क्‍यांनी मारहाण केली. या घटनेत तहसीलदार वैजनाथ जोशी, तलाठी राहुल मिसाळ, माणिक पांढरे, प्रकाश निकाळजे, अशोक खिंडरे हे जखमी झाले. महसूल पथकातील कर्मचाऱ्यांवर येथील उपजिल्हा रुग्णालयात उपचार करण्यात आले. या प्रकरणी नायब तहसीलदार वैजनाथ जोशी यांच्या फिर्यादीवरून गुन्हा दाखल करण्यात आला आहे. पोलिसांनी वाळू तस्करांची स्वीफ्ट कार ताब्यात घेतली असून, या प्रकरणी गुंतेगाव येथील एका संशयितास ताब्यात घेतले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

MI vs KKR : शाहरूख... वानखेडे... केकेआर! अखेर 12 वर्षानंतर संपला विजयाचा दुष्काळ

MSC Aries Ship : इराणने जप्त केलेल्या कार्गो शिपमधील क्रू मेंबर्सची सुटका; 16 भारतीयांचा समावेश

RCB vs GT : गुजरातला प्ले ऑफसाठी विजय गरजेचा, आरसीबी टाकणार का मिठाचा खडा

PM Modi : ''हिंदूंना दुसऱ्या दर्जाचे नागरिक करण्याचा डाव'', पंतप्रधान मोदींची तृणमूल काँग्रेसवर टीका

MI vs KKR IPL 2024 : सूर्यकुमार लढला मात्र केकेआरनं एका तपानंतर वानखेडेवर विजय केला साजरा

SCROLL FOR NEXT