Osmanabad News
Osmanabad News 
मराठवाडा

सास्तूरच्या ग्रामस्थांनी केले गाव बंद, हे होते कारण...

सकाळ वृत्तसेवा

लोहारा (जि. उस्मानाबाद) : तालुक्यातील सास्तूर येथे एका तरूणाचा धारदार शस्राने गळा चिरून खून करण्यात आला. ही घटना मंगळवारी (ता. १७) रात्री आठच्या सुमारास घडली. दरम्यान या प्रकरणातील आरोपींना अटक करावी, या मागणीसाठी सास्तूरच्या ग्रामस्थांनी बुधवारी (ता. १८) गाव बंद करून रास्ता रोको आंदोलन केले. या प्रकरणी दोन संशयित आरोपींना लोहारा पोलिसांनी अटक केली आहे. अनैतिक संबंधातून हा खून झाल्याचे सांगण्यात येत आहे.

दिलीप साहेबराव शिंदे (वय २३) असे खून झालेल्या तरुणाचे नाव आहे. मयत शिंदे याचे गावातीलच एका महिलेसोबत अनैतिक संबंध होते. मंगळवारी रात्री आठच्या सुमारास दिलीप शिंदे हा क्रांती चौकातून जात असताना खदीर शेख याने उस्मान केळगावे व अन्य एकाच्या मदतीने शिंदे याच्यावर धारदार शस्त्राने सपासप वार केले. त्यानंतर गळा चिरून त्याचा खून केला. या खुनाची माहिती मिळताच पोलिसांनी मुख्य संशयित आरोपी खदीर शेख याला अटक केली.

त्यानंतर आरोपीस ताब्यात द्या, असे म्हणत जमावाने सास्तूर पोलिस चौकीत गोंधळ घातल्याने तणावाचे वातावरण निर्माण झाले. जमाव आटोक्यात येत नसल्याचे पाहून उस्मानाबाद येथून दंगल नियंत्रण पथक व अन्य ठिकाणाहून पोलिसांची कुमक मागविण्यात आली. त्यानंतर जमावावर रात्रभर नियंत्रण ठेवल्याने तणावाचे वातावरण निवळले.

दरम्यान, मुख्य संशयीत आरोपीला अटक केल्यानंतर उर्वरित दोन आरोपींना तत्काळ अटक करण्याची मागणी ग्रामस्थांनी पोलिसांकडे लावून धरली. जोपर्यंत आरोपींना अटक करणार नाही, तोपर्यंत मृतदेह ताब्यात घेणार नसल्याची भूमिका घेत बुधवारी सकाळपासून बाजारपेठ बंद ठेवली. त्यानंतर उमरगा- सास्तूर मार्गावर रास्ता रोको आंदोलन केले.

रात्री उशिरा अंत्यसंस्कार

तुळजापूर येथील उपविभागीय पोलिस अधिकारी डॉ. दिलीप टिपरसे, उमरगा येथील उपविभागीय पोलिस अधिकारी अनुराधा उदमले, पोलिस निरीक्षक राजेंद्र मोताळे, पोलिस उपनिरीक्षक ए. एन. वाठोरे, सहायक पोलिस निरीक्षक अशोक चौरे यांनी मृताचे नातेवाईक व ग्रामस्थांची समजूत काढली. त्यानंतर सायंकाळी सहा वाजता शवविच्छेदनानंतर मृतदेह ताब्यात घेतला. रात्री उशिरा अंत्यसंस्कार करण्यात आले. या प्रकरणी लोहारा पोलिसांत तिघांविरूद्ध खूनाचा गुन्हा दाखल करण्यात आला असून, संशयित आरोपी खदीर शेख, उस्मान केळगावे यांना अटक केली आहे. फरारी आरोपीचा शोध सुरू आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Brij Bhushan Singh: भाजपनं ब्रिजभूषण सिंहचं तिकीट कापलं! पण मुलाला दिली उमेदवारी; रायबरेलीचाही उमेदवार जाहीर

Prajwal Revanna: "रेवन्ना प्रकरणी प्रधानमंत्र्यांनी 'त्या' पीडित महिलांची माफी मागावी"; राहुल गांधींची मागणी

Naach Ga Ghuma: बॉक्स ऑफिसवर 'नाच गं घुमा'चा धुमाकूळ; ओपनिंग-डेला केली इतकी कमाई

Fridge Tips : उन्हाळ्यात फॅनला जसा आराम देतो तसा फ्रीजलाही द्यावा का? 1-2 तास बंद ठेवला तर फायदा होतो की नुकसान?

Auto-Brewery Syndrome : एक घोटही न पिता हा माणूस असतो टल्ली.. याचं शरीरच तयार करतं अल्कोहोल! जडलाय विचित्र आजार

SCROLL FOR NEXT