हिंगोली : जिल्ह्यात जिल्हाधिकारी रुचेश जयवंशी यांनी जमाबंदीचे  कलम लागू केल्या संदर्भात बनावट आदेश एका पत्राद्वारे सोशल मीडियावर व्हायरल झाल्यानंतर खळबळ उडाली आहे. यासंदर्भात जिल्हाधिकारी रुचेश जयवंशी यांच्याशी संपर्क साधला असताअशा कुठल्याही पद्धतीचे आदेश दिले नसून यासंदर्भात पोलिस अधीक्षक यांना चौकशी करण्याचे आदेश दिले असल्याची माहिती त्यांनी दिली. 

जिल्ह्यात बुधवारी ( ता. १७ )  सोशल मीडियावर जिल्हाधिकारी रुचेश जयवंशी यांनी जिल्ह्यामध्ये  जमावबंदी कलम त्याचबरोबर आपत्ती व्यवस्थापन कायदा लागू करण्यासंदर्भातचे आदेश दिल्याचे पीडीएफ स्वरूपाची माहिती व्हायरल झाली. या आदेशामध्ये निर्गमित केलेल्या कुठल्याही स्वरूपाचे दिनांक शिवाय सदर आदेश कधीपासून केव्हापर्यंत लागू असतील या संदर्भाचे दिनांक नमूद नव्हते.

हेही वाचा - नांदेडला कोरोना संसर्गासंदर्भात प्रशासन झाले सतर्क; जिल्हाधिकाऱ्यांनी काढले आदेश

त्याचबरोबर जिल्हाधिकारी यांची नांदेडला कोरोना संसर्गासंदर्भात प्रशासन झाले सतर्क; जिल्हाधिकाऱ्यांनी काढले आदेश स्वाक्षरी देखील नव्हती. परंतु अनेकांनी घाबरून हे आदेश सोशल मीडियात फॉरवर्ड केल्यामुळे जिल्ह्यात एकच खळबळ उडाली आहे.  या संदर्भात  जिल्हाधिकारी रुचेश जयवंशी यांच्याशी संपर्क साधला असता त्यांनी सांगितले की अशास्वरूपाचे कुठलेही आदेश  निर्गमित करण्यात आलेले नाहीत.

शिवाय ही बाब निदर्शनास आल्यामुळे पोलीस अधीक्षक यांना कळविण्यात आली असून सायबर सेलच्या माध्यमातून अशा पद्धतीचे बनावट आदेश पसरविणाऱ्या व्यक्तीचा शोध घेण्याचे आदेश देखील देण्यात आल्याची माहिती त्यांनी दिली. नागरिकांनी भयभीत न होता अशा प्रकारच्या कुठल्याही बोगस आदेशावर विश्वास ठेवू नये असे आवाहन जिल्हाधिकारी जयवंशी यांनी केले आहे.

संपादन- प्रल्हाद कांबळे