Beed Crime News: बीडमधून एक धक्कादायक प्रकार समोर आला आहे. बीडमध्ये शिवसेना उपजिल्हाप्रमुखावर प्रणघातक हल्ला करण्यात आला आहे. उपजिल्हाप्रमुखांची गाडी अडवून ७ ते ८ जणांनी लोखंडी रॉडने मारहाण केली. बीड येथील शिवसेना शिंदे गटाचे उपजिल्हाप्रमुख ज्ञानेश्वर खांडे बीड येथून म्हाळस जवळा या गावाकडे जात असताना त्यांची गाडी आडवत त्यांच्यावर प्राण घातक हल्ला केला.

मिळालेल्या माहितीनुसार, ही घटना काल सायंकाळी घडली असून हल्ल्याचे कारण अद्याप स्पष्ट झालेले नाही. खांडे हे नेहमीप्रमाणे बीडहून आपल्या गावाकडे निघालेले असताना बीडपासून जवळच काही अंतरावर त्यांच्या गाडीला काही जणांनी हात केला.

खांडे यांनी गाडी थांबवताच त्यांच्यावर काठ्या, लोखंडी रॉडने हल्ला करण्यात आला. त्यांच्यासोबतच्या इतर दोघांनाही मारहाण करण्यात आली असून खांडे हे या मारहाणीत गंभीर जखमी झाले आहेत. त्यांच्यावर सध्या बीडच्या जिल्हा रुग्णालयात उपचार करण्यात येत आहेत. दरम्यान या हल्ल्या मागचे नेमके कारण अद्याप स्पष्ट झालेले नाही.

ही घटना बुधवारी सायंकाळी साडेसहा वाजेच्या दरम्यान घडली आहे. खांडे यांच्यासोबत असलेल्या इतर दोघांनाही मारहाण करण्यात आली आहे. हे दोघेही या घटनेत जखमी झाले असून, त्यांच्यावर देखील उपचार सुरू आहेत. या हल्ल्यामागचं नेमकं कारण अद्याप स्पष्ट झालेले नाही. या प्रकरणात पिंपळनेर पोलीस ठाण्यात गुन्हा दाखल करण्याची प्रक्रिया सुरू आहे. या घटनेनं जिल्ह्यात खळबळ उडाली आहे.