कडा (बीड): तालुक्यातून जाणाऱ्या सीना नदी पात्रातून मोठ्या प्रमाणावर अवैधरित्या राजरोसपणे वाळू उपसा सुरूच असून महसूल व पोलीस प्रशासनाच्या दुर्लक्षामुळे शासनाचा लाखो रुपयांचा महसूल बुडत आहे. आष्टी तालुक्यात एक ब्रास वाळू घेण्यासाठी सात ते आठ हजार रुपये मोजावे लागत असताना ही कारवाई झाली.
विशेष म्हणजे बीडच्या पोलिस अधीक्षकांच्या विशेष पथकाने सोमवारी (ता.०१) आष्टी तालुक्यात येऊन अवैधरित्या वाळू उपसा करणारे दोन जेसीबी व चार ट्रॅक्टर पकडून कारवाई केली. बीडच्या पथकाला आष्टी तालुक्यात येऊन कारवाई करावी लागते मग आष्टीचे पोलिस प्रशासन काय करते अशी चर्चा आष्टी तालुक्यात होत आहे. बीडचे पोलिस अधीक्षक यांनी पदभार स्वीकारल्या बरोबरच जिल्ह्यामध्ये अनधिकृतरित्या सुरु असलेले अवैध धंदे बंद करण्यासाठी कारवाईचा धडाका लावला आहे.
बीड पोलिस अधीक्षकांच्या विशेष पथकाचे प्रमुख विलास हजारे यांच्या पथकाला सोमवारी (ता.०१) आष्टी तालुक्यातील टाकळसिंग येथील नदीच्या पात्रातून दोन जेसीबी व चार ट्रॅक्टरच्या साहाय्याने अवैधरित्या वाळू उपसा सुरू असल्याची माहिती मिळाली होती. पोलिस पथकाने साडे चार वाजण्याच्या सुमारास सदरील ठिकाणी जाऊन पाहणी केली असता वाळू उपसा सुरू होता. सदरील पथकाने चार ट्रॅक्टर व दोन जेसीबी तसेच तीन ब्रास वाळू असा एकूण ४७ लाख ४५००० हजार रुपये किमतीचा मुद्देमाल जप्त केला आहे.
चार आरोपींना अटक; दोन आरोपी फरार-
बाळू तुकाराम देवकते, सुभाष बाळासाहेब वाल्हेकर,श्रीराम ज्ञानदेव जगताप, गणेश सुनील श्रीगंधे यांच्यासह सहा वाहन मालक अशा बारा जणांविरुद्ध आष्टी पोलिस ठाण्यात गुन्हा दाखल करण्यात आला आहेत. या धडाकेबाज कारवाईमुळे बीडच्या विशेष पथकाचे सर्वत्र कौतुक होत आहे.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.