बीड : बीडमधील एका सच्च्या शिवसैनिकाचा काळजाला चटका लावणारा शेवट झाला आहे. त्या शिवसैनिकाचे नाव सुमंत मोहनराव रुईकर. सुमंत ( वय ४८) यांचे शनिवारी (ता.२५) निधन झाले. मुख्यमंत्री उद्धव ठाकरे (Uddhav Thackeray) यांच्यावर शस्त्रक्रिया झाली असून त्यांना दीर्घायुष्य लाभावे यासाठी ते मित्रासह तिरुपतीस पायी निघाले होते. या दरम्यान तीन दिवस (Beed) त्यांना ताप आला होता. त्यामुळे (Sumant Ruikar) त्यांना रायचूर (कर्नाटक) येथील हाॅस्पिटलमध्ये उपचारासाठी दाखल करण्यात आले होते. (Sumant Ruikar Died Who Prayed For Chief Minister Uddhav Thackeray)

येथे शनिवारी दुपारी त्यांची प्राणज्योत मालवली. सुमंत रुईकर यांच्या पश्चात पत्नी, मुलगा, मुलगी, वडील, भाऊ असा परिवार आहे. यापूर्वीही वर्ष २०१९ मध्ये उद्धव ठाकरे हे मुख्यमंत्री व्हावेत यासाठी बीड ते तिरुपती बालाजी असा पायी यात्रा त्यांनी केली होती. उद्धव ठाकरे राज्याचे मुख्यमंत्री झाल्यावर सुमंत रुईकर यांच्या निष्ठेचे कौतुक करुन त्यांचा सत्कार केला होता.