मानवत ( जिल्हा परभणी ) : शहरात शिवसेनेच्या वतीने सुरु करण्यात आलेले मदत केंद्र सामान्य नागरिकांचा आधार बनले आहे. या केंद्राच्या माध्यमातून कोरोना संकटात नागरिकांसाठी विविध प्रकारची मदत केली जात आहे.

तालुक्यात मागील दोन महिन्यात कोरोना रुग्ण संख्येत मोठी वाढ झाली. यामुळे प्रशासनावर मोठ्या ताण आला. अचूक माहिती व मदत मिळत नसल्यामुळे सामान्य नागरिकांचा गोंधळ होत होता. ही बाब लक्षात घेऊन शिवसेनेचे माजी शहरप्रमुख अनिल जाधव यांनी मदत केंद्र उभारण्याचा निर्णय घेतला.ग्रामीण रुग्णालयासमोरील स्वतः च्या जागेत त्यांनी मदत केंद्र उभारले. या केंद्रावर रुग्णांना मदत करण्यासाठी शिवसेनेचे पदाधिकारी उपलब्ध असतात.

हेही वाचा -  ऑक्सिजनअभावी सुरू असलेले उद्योग बंद पडत असल्याचे ‘सकाळ’ने निदर्शनास आणले होते.

ग्रामीण भागात रुग्णांना केअर सेंटरमध्ये दाखल करुन घेण्यासाठी रुग्णवाहिका पाठविणे. केअर सेंटरमध्ये दाखल करुन घेण्यासाठी मदत करणे, रुग्णांच्या कुटूंबाने पाठविलेल्या वस्तू रुग्णांना देणे, बरे झालेल्या घरी जाण्यासाठी मोफत रुग्णवाहिका उपलब्ध करणे, लसीकरणासाठी जेष्ठ नागरिकांना मदत करणे आदी कामे शिवसेना पदाधिकारी करत असतात. मदत केंद्राच्या माध्यमातून आवश्यकतेनुसार कोव्हीड केअर सेंटर येथील रुग्णांना सकस आहाराचे वाटप केले जाते. त्याप्रमाणे सोशल मीडियाच्या माध्यमातून दररोज माहिती उपलब्ध करुन दिली जात आहे.

यामुळे नागरिकांना अचूक माहिती मिळत असून ग्रामीण रुग्णालयातील गर्दी कमी होण्यास मदत झाली. रविवारी ( ता. ३१ ) खासदार संजय जाधव यांनी मदत केंद्रास भेट देऊन शिवसेना पदाधिकाऱ्यांचे कौतुक केले. या मदत केंद्रासाठी अनिल जाधव यांच्या मार्गदर्शनाखाली शहरप्रमुख बालाजी दहे, नंदू पाटील, विलास देशमुख, विठ्ठल जोगदंड, गणेशअप्पा चिंचोलकर, प्रमोद निळकंठ, शुभम ठाकुर, सतिष मगर, आप्पा भिसे, पिंटु फल्ले आदी प्रयत्न करीत आहेत.

येथे क्लिक करा - विधानसभेचे विरोधी पक्ष नेते देवेंद्र फडणवीस हे गुरुवारी हिंगोली जिल्हा दौऱ्यावर आले असता ते जिल्हाधिकारी कार्यालयाच्या सभागृहात गुरुवारी पत्रकार परिषदेत बोलत होते.

आयुर्वेदिक काढा वाटप

मदत केंद्राचे गणेश आप्पा चिंचोळकर कोरोना रुग्ण, ग्रामीण रुग्णालयाचे कर्मचारी, सामान्य नागरिक असे एकूण ३०० जणांना दररोज मोफत आयुर्वेदिक काढा वाटप करतात. यासाठी शेतात जाऊन दररोज गुळवेल आणतात. मदत केंद्राचे अनिल जाधव यांनी चिंचोळकर यांना साहित्य उपलब्ध करून दिले आहे.