अंबाजोगाई : शहरातील अजमेरनगर भागात एका युवकाचा मंगळवारी (ता.१६) सकाळी संशयास्पद मृतदेह आढळून आला. सदरील युवक परळीवेस भागातील असून मृत्यूचे खरे कारण तपासात निष्पन्न होईल असे पोलिसांनी सांगितले.

दरम्यान पोलिस ठाण्यात गुन्हा दाखल करण्याची प्रक्रिया सुरू होती. ईश्वर अरुण जोगदंड (वय ३१) असे या मृत युवकाचे नाव आहे. या घटनेची माहिती कळताच पोलिसांनी घटनास्थळी पोचून पंचनामा करून मृतदेह उत्तरीय तपासणीसाठी स्वाराती रुग्णालयात पाठविला.

घटनेची माहिती कळताच नातेवाइकांनी पोलिस ठाण्यात आरोपींवर कारवाई करण्याच्या मागणीसाठी ठाण्यातच ठिय्या दिला होता. दरम्यान, या घटनेचा गुन्हा दाखल करण्याची प्रक्रिया सुरू होती.