टाकरवण : गतवर्षी कमी झालेल्या पावसामुळे सध्या दुष्काळी परिस्थिती निर्माण झाली आहे. पाणी नसल्यामुळे पिके वाळून गेली आहेत. काही ठिकाणी जनावरांना प्यायला पाणी नसल्याची परिस्थिती आहे. नागरिकांना दुष्काळाच्या झळा सहन कराव्या लागत आहेत. टाकरवणसह परिसरात शेतीच्या पाण्यासह पिण्याच्या पाण्याचे मोठे संकट निर्माण झाले.
शेतकऱ्यांचे पाण्याअभावी मोठे नुकसान होत असल्याने शेतकरी पाण्याच्या शोधात आहेत. टाकरवण परिसरातून गोदावरी नदी गेल्याने शेतकऱ्यांनी या नदीच्या पाण्यावर मोठ्या प्रमाणात सिंचन क्षेत्र वाढवले आहे.
या पाण्याखाली शेतकऱ्यांनी ऊस, मोसंबी, डाळिंब आदी पिकांची लागवड केली. परंतु, अत्यल्प पावसामुळे गोदावरी नदीतील पाणीसाठाही जेमतेम राहिल्याने शेतकऱ्यांची पिके धोक्यात आली आहेत. फळबागा अखेरच्या घटका मोजत असल्याने शेतकरी चिंतेत आहेत.
बाजरी, भुईमूग, ज्वारीसारखी पिके वाळून जात आहेत, तर विहिरींच्या पाण्यानेही तळ गाठल्याने शेतकऱ्यांपुढे मोठे संकट उभे आहे. पिके वाचविण्यासाठी शेतकरी विहिरींचे खोलीकरण करणे, विहिरीत आडवे बोअर घेणे, नवीन बोअरवेल घेत पाण्याचा शोध घेत आहेत.
परिसरातून गोदावरी नदी गेल्याने सिंचन क्षेत्र वाढण्यास मदत झाली आहे. गोदावरीवर मंगरूळ, शेलगावथडी या ठिकाणी उच्चपातळी बंधारे बांधण्यात आले. सध्या हे बंधारे कोरडे पडण्याच्या अवस्थेत आहेत.
बाजरी वाळून गेलीये, प्यायलाही पाणी नाही. विहिरीलासुद्धा आता पाणी थोडंच शिल्लक राहिलंय. त्यामुळे यंदाचा उन्हाळा कसा जातोय तो कुणास ठाऊक, अनेक नागरिकांवर पाणी विकत घेण्याची वेळी आली आहे.
- पंडित आडागळे, टाकरवण
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.